សេចក្តីជូនដំណឹងអំពីឯកជនភាព

បានធ្វើបច្ចុប្បន្នភាពថ្ងៃទី 28 ខែមីនា ឆ្នាំ 2024

 

សេចក្តីថ្លែងការណ៍ឯកជនភាព

សេចក្តីថ្លែងការណ៍ឯកជនភាពនេះពិពណ៌នាអំពីរបៀបដែលក្រុមហ៊ុន WD-40 (WD-40 Company) និងសាខាពាក់ព័ន្ធ (ហៅរួមថា “WD-40,” “យើង,” និង “យើងខ្ញុំ”) ប្រមូល ប្រើប្រាស់ និងបញ្ចេញព័ត៌មានផ្ទាល់ខ្លួន ដែលយើងប្រមូលនៅពេលអ្នកចូលមើល ឬប្រើវេបសាយ ឬកម្មវិធីទូរសព្ទរបស់យើង (ហៅដាច់ដោយឡែកថា “វេបសាយ” និងហៅរួមថា “វេបសាយទាំងឡាយ”) ទាក់ទងក្រុមការងារសេវាកម្មអតិថិជនរបស់យើង ចូលរួមជាមួយយើងនៅលើមេឌាសង្គម ចូលរួមក្នុងការចាប់ឆ្នោត ឬការប្រកួតរបស់យើង ឬធ្វើអន្តរកម្មជាមួយយើង (ហៅរួមថា “សេវាកម្ម” របស់យើង)។ តាមរយៈការប្រើប្រាស់វេបសាយ និងសេវាកម្មរបស់យើង អ្នកយល់ព្រមចំពោះការប្រមូល ការដំណើរការ ការប្រើប្រាស់ និងការបញ្ចេញព័ត៌មានផ្ទាល់ខ្លួនរបស់អ្នកស្របតាមសេចក្តីថ្លែងការណ៍ឯកជនភាពនេះ។

ចុច ទីនេះ  ដើម្បីទាញយកច្បាប់ចម្លងនៃសេចក្តីថ្លែងការណ៍ឯកជនភាពនេះ។

 

សេចក្តីថ្លែងការណ៍ឯកជនភាពនេះមិនអនុវត្តចំពោះព័ត៌មានដែលប្រមូលបានទាក់ទងនឹងការងារពីអ្នកដាក់ពាក្យសុំការងារ និយោជិតបច្ចុប្បន្ន និងអតីត ហើយបើអាចអនុវត្តចំពោះ បុគ្គលិកបច្ចុប្បន្ន និងអតីត និងអ្នកម៉ៅការដែលផ្តល់សេវាកម្មដល់យើង។

 

សេចក្តីថ្លែងការណ៍ឯកជនភាពនេះត្រូវបានចេញជាភាសាអង់គ្លេស និងបកប្រែជាភាសាក្នុងស្រុករៀងៗខ្លួន ដែលច្បាប់ការពារទិន្នន័យក្នុងតំបន់ជាធរមានទាមទារ។ ក្នុងករណីនៃភាពខុសគ្នា ឬភាពមិនស៊ីសង្វាក់គ្នារវាងកំណែភាសាអង់គ្លេសនៃសេចក្តីថ្លែងការណ៍ឯកជនភាពនេះ និងសំណៅបកប្រែណាមួយនោះ ត្រូវយកភាសាអង់គ្លេសជាគោល។

មាតិកា

1. ព័ត៌មានដែលយើងប្រមូល
2. របៀបដែលយើងប្រើប្រាស់ព័ត៌មានរបស់អ្នក
3. ការចែករំលែក និងការបញ្ចេញព័ត៌មាន
4. ទំនាក់ទំនងទីផ្សារ
5. សន្តិសុខ
6. ឃុកឃី ការវិភាគ និងបច្ចេកវិទ្យាតាមដានផ្សេងទៀត
7. តំណភ្ជាប់ទៅកាន់វេបសាយផ្សេងទៀត
8. ការរក្សាទុកព័ត៌មាន
9. កុមារ
10. របៀបធ្វើបច្ចុប្បន្នភាពព័ត៌មានរបស់អ្នក
11. ទាក់ទងមកយើង
12. ការផ្លាស់ប្តូរចំពោះសេចក្តីថ្លែងការណ៍ឯកជនភាពនេះ
13. បទប្បញ្ញត្តិជាក់លាក់ចំពោះប្រទេស/តំបន់/រដ្ឋ

ព័ត៌មានដែលយើងប្រមូល

យើងប្រមូលប្រភេទព័ត៌មានផ្ទាល់ខ្លួនផ្សេងៗគ្នា អាស្រ័យលើអន្តរកម្មរបស់អ្នកជាមួយយើង។ ប្រភេទ និងប្រភេទព័ត៌មានផ្ទាល់ខ្លួនសំខាន់ៗដែលយើងអាចនឹងប្រមូល និងដំណើរការត្រូវបានកំណត់ដូចខាងក្រោម។

• ព័ត៌មានទំនាក់ទំនង៖ នៅពេលអ្នកបង្កើតគណនីនៅលើវេបសាយរបស់យើង ចុះឈ្មោះសម្រាប់ព្រឹត្តិបត្រព័ត៌មាន ឬបញ្ជីផ្ញើសំបុត្ររបស់យើង បញ្ចូលក្នុងការប្រកួត ប្តូរយកប្រម៉ូសិន ឬបញ្ចូលក្នុងការចាប់ឆ្នោតផ្សងសំណាង ឬទំនាក់ទំនង ឬធ្វើអន្តរកម្មជាមួយយើង យើងអាចនឹងប្រមូលឈ្មោះ មុខតំណែង អាសយដ្ឋានអ៊ីមែលរបស់អ្នក អាសយដ្ឋានផ្ញើសំបុត្រ លេខទូរសព្ទ ថ្ងៃខែឆ្នាំកំណើត មុខរបរ និងចំណូលចិត្ត។
• អង្គសម្គាល់៖ នៅពេលអ្នកចូលទៅកាន់វេបសាយរបស់យើង យើងអាចនឹងប្រមូលអាសយដ្ឋាន IP ឈ្មោះអ្នកប្រើប្រាស់ លេខគណនី ពាក្យសម្ងាត់ និងព័ត៌មានសន្តិសុខផ្សេងទៀតរបស់អ្នកសម្រាប់ការផ្ទៀងផ្ទាត់ភាពត្រឹមត្រូវ និងការចូលប្រើ។
• ទិន្នន័យទីតាំងភូមិសាស្ត្រ៖ នៅពេលអ្នកចូលទៅកាន់វេបសាយរបស់យើង យើងអាចនឹងប្រមូលទិន្នន័យតំបន់ទូទៅ ឬតំបន់ដែលអ្នកចូលទៅកាន់វេបសាយរបស់យើង។
• ទិន្នន័យការប្រើប្រាស់៖ នៅពេលអ្នកចូលមើលវេបសាយរបស់យើង យើងអាចនឹងប្រមូលទិន្នន័យទាក់ទងនឹងអ៊ីនធឺណិត ឬសកម្មភាពអេឡិចត្រូនិកផ្សេងទៀតរបស់អ្នក រួមទាំងប្រវត្តិរុករក និងចុច ប្រភេទឧបករណ៍ ប្រព័ន្ធប្រតិបត្តិការ ការកំណត់កម្មវិធីរុករក អាសយដ្ឋាន IP ការកំណត់ភាសា និងទិន្នន័យប្រើប្រាស់វេបសាយ រួមទាំងព័ត៌មានអំពីរបៀបដែលអ្នករុករកវេបសាយ វេបសាយផ្សេងទៀត និងអ៊ីនធឺណិត។
• ប្រូហ្វាលមេឌាសង្គម៖ នៅពេលអ្នកធ្វើអន្តរកម្មជាមួយយើង ឬវេបសាយរបស់យើងតាមរយៈបណ្តាញមេឌាសង្គមផ្សេងៗ ដូចជានៅពេលអ្នកចូលចិត្តយើងនៅលើ Facebook ឬនៅពេលអ្នកតាមដានយើង ឬចែករំលែកមាតិការបស់យើងនៅលើ Facebook, Twitter, Snapchat, LinkedIn, Instagram ឬវេបសាយផ្សេងទៀត យើងអាចនឹងទទួលបានព័ត៌មានពីបណ្តាញសង្គមទាំងនោះ រួមទាំងព័ត៌មានប្រូហ្វាលរបស់អ្នក លេខសម្គាល់អ្នកប្រើប្រាស់ដែលភ្ជាប់ជាមួយគណនីមេឌាសង្គមរបស់អ្នក និងព័ត៌មានផ្សេងទៀតណាមួយដែលអ្នកអនុញ្ញាតឱ្យបណ្តាញសង្គមចែករំលែកជាមួយភាគីទីបី។
• មាតិកាបង្កើតដោយអ្នកប្រើប្រាស់៖ នៅពេលអ្នកទាក់ទងមកយើងដោយផ្ទាល់ ឧ. តាមរយៈអ៊ីមែល តាមទូរសព្ទ តាមសំបុត្រ ឬដោយបំពេញទម្រង់បែបបទអនឡាញ ឬដោយចូលរួមក្នុងការជជែកតាមអនឡាញ យើងនឹងកត់ត្រាមតិ និងយោបល់របស់អ្នក។ យើងក៏នឹងកត់ត្រាមតិ និងយោបល់ដែលអ្នកបញ្ចេញនៅពេលឆ្លើយតបទៅនឹងការស្ទង់មតិ បញ្ចូលការចាប់ឆ្នោតផ្សងសំណាង ឬចូលរួមក្នុងប្រម៉ូសិនដែលយើងដំណើរការ។
• ទិន្នន័យសំឡេង/រូបភាព៖ នៅពេលអ្នកចូលទៅកាន់ការិយាល័យ ឬស្តង់ព្រឹត្តិការណ៍មួយរបស់យើង ចូលរួមក្នុងប្រម៉ូសិន ឬការប្រកួតមួយរបស់យើង ឬដាក់រូបថត ឬវីដេអូមកយើង យើងអាចនឹងប្រមូលទិន្នន័យសំឡេង ទិន្នន័យអេឡិចត្រូនិក ទិន្នន័យរូបថត ទិន្នន័យទស្សនីយកម្ម ឬទិន្នន័យស្រដៀងគ្នា រួមទាំងវីដេអូ រូបថត ឬការថតសំឡេង។
• ព័ត៌មានពាណិជ្ជកម្ម៖ នៅពេលអ្នកសាកសួរអំពីផលិតផលរបស់យើង ឬផ្តល់ឱ្យយើងនូវព័ត៌មានទាក់ទងនឹងផលិតផលដែលអ្នកបានទិញ យើងអាចនឹងប្រមូលកំណត់ត្រានៃផលិតផល ឬសេវាកម្មដែលបានទិញ ទទួលបាន ឬពិចារណា ឬប្រវត្តិនៃការជាវ ឬប្រើប្រាស់ផ្សេងទៀត។
• ការសន្និដ្ឋាន៖ យើងរួមបញ្ចូលគ្នានូវព័ត៌មានដែលយើងទទួលបានពីប្រភពផ្សេងៗគ្នាជាមួយនឹងព័ត៌មានដែលមានជាសាធារណៈ រួមទាំងដើម្បីបង្កើតការសន្និដ្ឋានអំពីអ្នក។ ឧទាហរណ៍ យើងអាចបញ្ចូលព័ត៌មានដែលយើងមានជាមួយព័ត៌មានដែលយើងបានប្រមូលបាន៖ (i) អហ្វឡាញ និងអនឡាញ (ii) ឆ្លងកាត់វេបសាយភាគីទីបីផ្សេងទៀត (iii) ឆ្លងកាត់ឧបករណ៍នានា ដូចជាកុំព្យូទ័រ និងឧបករណ៍ចល័ត និង (iv) ពីភាគីទីបី។ យើងក៏អាចនឹងប្រើព័ត៌មានពីប្រភេទដែលបានពិពណ៌នាខាងលើ ដើម្បីបង្កើតប្រូហ្វាលអំពីអ្នក ដើម្បីឆ្លុះបញ្ចាំងពីចំណូលចិត្ត អត្តចរិត អាកប្បកិរិយា និងឥរិយាបថរបស់អ្នក។

យើងមិនប្រមូល ឬដំណើរការព័ត៌មានផ្ទាល់ខ្លួនដែលទាក់ទងនឹងប្រភពដើមនៃពូជសាសន៍ ឬជាតិសាសន៍របស់អ្នក គំនិតនយោបាយ សាសនា ឬជំនឿទស្សនវិជ្ជា សុខភាព ឬលក្ខខណ្ឌវេជ្ជសាស្ត្រ ប្រវត្តិព្រហ្មទណ្ឌ សមាជិកភាពសហជីពជំនួញ ទិន្នន័យសេនេទិច ឬទិន្នន័យជីវមាត្រ ជីវិតផ្លូវភេទ ឬទំនោរផ្លូវភេទ (តទៅនេះហៅថា “ព័ត៌មានផ្ទាល់ខ្លួនរសើប”)។ យើងស្នើឱ្យអ្នកកុំផ្ញើ ឬបញ្ចេញនូវព័ត៌មានផ្ទាល់ខ្លួនរសើបណាមួយមកយើង។ ទោះជាយ៉ាងណាក៏ដោយ យើងអាចនឹងស្នើសុំឱ្យអ្នកបញ្ចេញប្រាប់យើងនូវព័ត៌មានទាក់ទងនឹងសុខភាព ឬស្ថានភាពវេជ្ជសាស្ត្ររបស់អ្នកនៅពេលចាំបាច់ ដើម្បីវិភាគ និងដោះស្រាយឧប្បត្តិហេតុជាមួយផលិតផល ឬការវេចខ្ចប់របស់យើង។ លើសពីនេះ យើងនឹងដំណើរការព័ត៌មានបែបនេះក្នុងករណីអ្នកប្រាស្រ័យប្រាប់ភ្នាក់ងាររបស់យើងក្នុងអំឡុងពេលហៅទូរសព្ទ ឬអ្នកកំពុងបង្ហាញការយល់ព្រមដោយស្ម័គ្រចិត្តតាមរយៈការទំនាក់ទំនង ឬមធ្យោបាយផ្សេងទៀត។

លុះត្រាតែមានចែងផ្សេងពីនេះ នៅពេលប្រមូលព័ត៌មានផ្ទាល់ខ្លួនរបស់អ្នក អ្នកមានកាតព្វកិច្ចផ្តល់ព័ត៌មានផ្ទាល់ខ្លួនរបស់អ្នក ដូចដែលអាចត្រូវបានទាមទារដោយយើង ដែលនឹងគ្រប់គ្រាន់ និងចាំបាច់សម្រាប់គោលបំណងដែលបានពិពណ៌នាខាងក្រោមប៉ុណ្ណោះ។ បើអ្នកមិនផ្តល់ឱ្យយើងនូវព័ត៌មានដែលបានស្នើសុំទេ យើងប្រហែលជាមិនអាចផ្តល់ឱ្យអ្នកនូវសេវាកម្ម ឬព័ត៌មានដែលអ្នកត្រូវការ ឬបំពេញគោលបំណងដែលបានពិពណ៌នាខាងក្រោមនោះទេ។

2. របៀបដែលយើងប្រើប្រាស់ព័ត៌មានរបស់អ្នក

យើងប្រើប្រាស់ព័ត៌មានផ្ទាល់ខ្លួនរបស់អ្នកសម្រាប់គោលបំណងដូចខាងក្រោម៖

• ការសាកសួរ និងសំណើ៖ យើងប្រើប្រាស់ព័ត៌មានទំនាក់ទំនង អង្គសម្គាល់ និងព័ត៌មានពាណិជ្ជកម្មរបស់អ្នក ដើម្បីឆ្លើយតបទៅនឹងការសាកសួរ បណ្តឹង និងសំណូមពររបស់អ្នក។

មូលដ្ឋានផ្លូវច្បាប់សម្រាប់ដំណើរការ៖ ផលប្រយោជន៍ស្របច្បាប់របស់យើងក្នុងការដោះស្រាយឱ្យបានគ្រប់គ្រាន់ និងទាន់ពេលវេលា ការសាកសួរ បណ្តឹង និងសំណូមពររបស់អតិថិជនទាក់ទងនឹងវេបសាយ និងសេវាកម្ម។

 

• គោលបំណងវិភាគ៖ យើងប្រើអង្គសម្គាល់របស់អ្នក ទិន្នន័យប្រើប្រាស់ ទិន្នន័យទីតាំងភូមិសាស្ត្រ ព័ត៌មានពាណិជ្ជកម្ម ប្រូហ្វាលមេឌាសង្គម មាតិកាដែលបានបង្កើតដោយអ្នកប្រើប្រាស់ និងការសន្និដ្ឋានដើម្បីវិភាគចំណូលចិត្ត និន្នាការ និងស្ថិតិ។

មូលដ្ឋានផ្លូវច្បាប់សម្រាប់ដំណើរការ៖ ផលប្រយោជន៍ស្របច្បាប់របស់យើងក្នុងការកែលម្អវេបសាយ និងសេវាកម្មរបស់យើង និងវាយតម្លៃការអនុវត្តរបស់បុគ្គលិក និងអ្នកម៉ៅការរបស់យើង និងការយល់ព្រមរបស់អ្នក។

 

• គោលបំណងធ្វើទីផ្សារ៖ យើងប្រើប្រាស់ព័ត៌មានទំនាក់ទំនងរបស់អ្នក អង្គសម្គាល់ ព័ត៌មានពាណិជ្ជកម្ម ទិន្នន័យការប្រើប្រាស់ ទិន្នន័យទីតាំងភូមិសាស្ត្រ ប្រូហ្វាលមេឌាសង្គម មាតិកាដែលបានបង្កើតដោយអ្នកប្រើប្រាស់ ទិន្នន័យសំឡេង/រូបភាព និងការសន្និដ្ឋានដើម្បីផ្ញើជូនអ្នកនូវព្រឹត្តិបត្រព័ត៌មានរបស់យើង កែលម្អកិច្ចខិតខំប្រឹងប្រែងធ្វើទីផ្សាររបស់យើង បង្កើតការបង្ហោះតាមមេឌាសង្គម ឬការផ្សាយពាណិជ្ជកម្ម និងផ្តល់ឱ្យអ្នកនូវព័ត៌មានអំពីយើង រួមទាំងទំនាក់ទំនងទីផ្សារផ្ទាល់ខ្លួន។

មូលដ្ឋានផ្លូវច្បាប់សម្រាប់ដំណើរការ៖ ការយល់ព្រមរបស់អ្នក

 

• ការផ្តល់ជូន និងប្រម៉ូសិន៖ យើងប្រើប្រាស់ព័ត៌មានទំនាក់ទំនងរបស់អ្នក អង្គសម្គាល់ ព័ត៌មានពាណិជ្ជកម្ម ទិន្នន័យការប្រើប្រាស់ ប្រូហ្វាលមេឌាសង្គម ទិន្នន័យសំឡេង/រូបភាព មាតិកាដែលបានបង្កើតដោយអ្នកប្រើប្រាស់ ទិន្នន័យទីតាំងភូមិសាស្ត្រ និងការសន្និដ្ឋានដើម្បីអនុញ្ញាតឱ្យអ្នកចូលរួមក្នុងប្រម៉ូសិន ការប្រកួតប្រជែង ព្រឹត្តិការណ៍ពិសេស ការចាប់រង្វាន់ និងការផ្តល់ជូន /ប្រម៉ូសិនផ្សេងទៀត (ឧ. សម្រាប់ការផ្ញើអ៊ីមែលរំលឹកអ្នក ឬការជូនដំណឹងអំពីរង្វាន់ និងការផ្ទេរព័ត៌មានផ្ទាល់ខ្លួនរបស់អ្នកទៅដៃគូបំពេញភស្តុភារកម្ម)។

មូលដ្ឋានផ្លូវច្បាប់សម្រាប់ដំណើរការ៖ ការដំណើរការព័ត៌មានផ្ទាល់ខ្លួនរបស់អ្នកសម្រាប់គោលបំណងនេះគឺផ្អែកលើការអនុវត្តលក្ខខណ្ឌនៃប្រម៉ូសិនដែលពាក់ព័ន្ធ និងការយល់ព្រមរបស់អ្នក។

 

• ការថែទាំ និងការកែលម្អវេបសាយ និងសេវាកម្ម៖ យើងប្រើប្រាស់ព័ត៌មានទំនាក់ទំនង ព័ត៌មានពាណិជ្ជកម្ម អង្គសម្គាល់ មាតិកាដែលបានបង្កើតដោយអ្នកប្រើប្រាស់ ប្រូហ្វាលមេឌាសង្គម ទិន្នន័យទីតាំងភូមិសាស្ត្រ ទិន្នន័យសំឡេង/រូបភាព និងទិន្នន័យការប្រើប្រាស់ដើម្បីកែលម្អសេវាកម្ម និងវេបសាយរបស់យើង ផ្តល់ និងថែរក្សាមុខងារនៅលើវេបសាយរបស់យើង និងជួយយើងក្នុងការវិនិច្ឆ័យបញ្ហាបច្ចេកទេស និងបញ្ហាសេវាកម្ម និងគ្រប់គ្រងវេបសាយរបស់យើង។

មូលដ្ឋានផ្លូវច្បាប់សម្រាប់ដំណើរការ៖ ផលប្រយោជន៍ស្របច្បាប់របស់យើងក្នុងការកែលម្អវេបសាយ និងសេវាកម្មរបស់យើង និងវាយតម្លៃការអនុវត្តរបស់បុគ្គលិក និងអ្នកម៉ៅការរបស់យើង។

 

• សន្តិសុខ និងការទប់ស្កាត់ការក្លែងបន្លំ៖ យើងប្រើប្រាស់ព័ត៌មានទំនាក់ទំនងរបស់អ្នក អង្គសម្គាល់ ព័ត៌មានពាណិជ្ជកម្ម ប្រូហ្វាលមេឌាសង្គម មាតិកាដែលបានបង្កើតដោយអ្នកប្រើប្រាស់ ទិន្នន័យទីតាំងភូមិសាស្ត្រ ទិន្នន័យការប្រើប្រាស់ ទិន្នន័យសំឡេង/រូបភាព និងការសន្និដ្ឋានដើម្បីការពារវេបសាយ និងសេវាកម្មរបស់យើង ការពារយើង ក្រុមហ៊ុនសម្ព័ន្ធ បុគ្គលិករបស់យើង និងអ្នកដទៃ និងទប់ស្កាត់ការក្លែងបន្លំ ចោរកម្ម និងការប្រព្រឹត្តកំហុសវិជ្ជាជីវៈ។
• មូលដ្ឋានផ្លូវច្បាប់សម្រាប់ដំណើរការ៖ ផលប្រយោជន៍ស្របច្បាប់របស់យើងដើម្បីការពារអង្គភាពរបស់យើង និងដើម្បីទប់ស្កាត់ការក្លែងបន្លំ ចោរកម្ម និងការប្រព្រឹត្តកំហុសវិជ្ជាជីវៈ។

 

• ផ្លូវច្បាប់៖ យើងប្រើប្រាស់ព័ត៌មានទំនាក់ទំនង អង្គសម្គាល់ ប្រូហ្វាលមេឌាសង្គម ព័ត៌មានពាណិជ្ជកម្ម មាតិកាដែលបានបង្កើតដោយអ្នកប្រើប្រាស់ ទិន្នន័យទីតាំងភូមិសាស្ត្រ ទិន្នន័យការប្រើប្រាស់ ទិន្នន័យសំឡេង/រូបភាព និងការសន្និដ្ឋានដើម្បីអនុវត្តតាមកាតព្វកិច្ចផ្លូវច្បាប់របស់យើង រួមទាំងលក្ខខណ្ឌតម្រូវនៃការរាយការណ៍ និងការពារយើងក្នុងដំណើរការនីតិវិធីផ្លូវច្បាប់ និងការពារយើង និងទ្រព្យសម្បត្តិរបស់យើង បុគ្គលិក និងអ្នកដទៃតាមរយៈដំណើរការនីវិធីផ្លូវច្បាប់។

មូលដ្ឋានផ្លូវច្បាប់សម្រាប់ដំណើរការ៖ ផលប្រយោជន៍ស្របច្បាប់របស់យើងដើម្បីការពារអង្គភាពរបស់យើង និងដើម្បីអនុវត្តតាមកាតព្វកិច្ចផ្លូវច្បាប់របស់យើង។

3. ការចែករំលែក និងការបញ្ចេញព័ត៌មាន

យើងនឹងចែករំលែកព័ត៌មានផ្ទាល់ខ្លួនក្នុងកាលៈទេសៈខាងក្រោម ឬដូចដែលបានពិពណ៌នាផ្សេងទៀតនៅក្នុងសេចក្ដីថ្លែងការណ៍ឯកជនភាពនេះ។

អ្នកផ្ដល់សេវា៖ យើងអាចនឹងចែករំលែកព័ត៌មានផ្ទាល់ខ្លួនជាមួយអ្នកលក់ និងអ្នកផ្តល់សេវាដែលគាំទ្រប្រតិបត្តិការនៃសេវាកម្ម វេបសាយទាំងឡាយ និងអាជីវកម្មរបស់យើង ហើយអ្នកដែលត្រូវការចូលប្រើព័ត៌មានបែបនេះ ដើម្បីអនុវត្តការងាររបស់ពួកគេសម្រាប់យើង (រួមទាំង ឧទាហរណ៍ការបង្ហោះលើវេប ការវិភាគ ការបញ្ជូនអ៊ីមែល ការធ្វើទីផ្សារ ការធានារ៉ាប់រង សេវាកម្មស្តុកទុក និងឃ្លាំង សេវាកម្មគាំទ្រអតិថិជន និងការគ្រប់គ្រង ការវិនិច្ឆ័យ និងការផ្តល់រង្វាន់ ទិដ្ឋភាពនៃប្រូម៉ូសិន ការប្រកួតប្រជែង និងការចាប់ឆ្នោតផ្សងសំណាង)។ ក្នុងករណីខ្លះ អ្នកលក់ ឬអ្នកផ្តល់សេវាអាចនឹងប្រមូលព័ត៌មានដោយផ្ទាល់ពីអ្នកតាងនាមយើង។

សាខា៖ យើងអាចនឹងចែករំលែកព័ត៌មានផ្ទាល់ខ្លួនជាមួយ និងក្នុងចំណោមក្រុមហ៊ុនមេ ក្រុមហ៊ុនបុត្រសម្ព័ន្ធ សាខា ឬសន្តតិជន ឬសិទ្ធិវ័ន្តរបស់យើង។

ដៃគូធ្វើទីផ្សារ/ដៃគូវិភាគ/ដៃគូផ្សព្វផ្សាយពាណិជ្ជកម្ម៖ យើងអាចនឹងចែករំលែកព័ត៌មានផ្ទាល់ខ្លួនជាមួយ ភាគីទីបីជាដៃគូធ្វើទីផ្សារ ដៃគូវិភាគ ឬដៃគូផ្សាយពាណិជ្ជកម្ម រួមទាំងថ្នាល និងបណ្ដាញមេឌាសង្គម សម្រាប់គោលបំណងពាណិជ្ជកម្ម ដូចជាការផ្ញើជូនអ្នកនូវអ៊ីមែលធ្វើទីផ្សារ និងផ្សាយពាណិជ្ជកម្ម។

ទីប្រឹក្សាដែលមានជំនាញវិជ្ជាជីវៈ៖ យើងអាចនឹងចែករំលែកព័ត៌មានជាមួយទីប្រឹក្សាដែលមានជំនាញវិជ្ជាជីវៈ ដូចជាមេធាវី ធនាគារិក សវនករ និងអ្នកធានារ៉ាប់រង ដែលចាំបាច់ក្នុងដំណើរការនៃសេវាកម្មវិជ្ជាជីវៈដែលពួកគេផ្តល់ជូនយើង។

ស្ថាប័នរដ្ឋាភិបាល៖ យើងចែករំលែកព័ត៌មានជាមួយស្ថាប័ននិយតកម្ម និងស្ថាប័នរដ្ឋាភិបាល រួមទាំងទីភ្នាក់ងាររដ្ឋាភិបាល ទីភ្នាក់ងាររដ្ឋបាល ទីភ្នាក់ងារអនុវត្តច្បាប់ និងទីភ្នាក់ងារនិយតកម្ម អាជ្ញាធរពន្ធដារ ស្ថាប័នចុះបញ្ជីសាជីវកម្ម និងទីភ្នាក់ងារសាធារណៈ ឬអាជ្ញាធរផ្សេងទៀត ប្រសិនបើយើងគិតថា យើងគួរតែអនុវត្តតាមច្បាប់ បទបញ្ជា ដំណើរការផ្លូវច្បាប់ ឬកាតព្វកិច្ចផ្លូវច្បាប់ផ្សេងទៀតដែលចូលជាធរមាន។ នេះរួមបញ្ចូលទាំងការសហការជាមួយនឹងស្ថាប័នអនុវត្តច្បាប់ នៅពេលដែលយើងគិតថាវាសមរម្យ ការទទួលបានឧប្រាស្រ័យផ្លូវច្បាប់ ឬការដាក់កំហិតលើព្យសនកម្មរបស់យើង និងការអនុវត្តទាំងបង្ខំ ឬការការពារកិច្ចសន្យា សិទ្ធិស្របច្បាប់របស់យើង ឬសិទ្ធិរបស់អ្នកដទៃ រួមទាំងការឆ្លើយតបទៅនឹងការទាមទារដែលបានអះអាងប្រឆាំងនឹងយើង។

អ្នកទទួលប្រតិបត្តិការសាជីវកម្ម។ យើងអាចនឹងចែករំលែកព័ត៌មានជាមួយអ្នកវិនិយោគសក្តានុពល អ្នកទិញ ដៃគូរួមបញ្ចូលគ្នា និងទីប្រឹក្សារបស់ពួកគេនៅក្នុងករណីដែលយើង៖ (i) លក់ ឬផ្ទេរ ឬកំពុងពិចារណាលក់ ឬផ្ទេរ ទាំងអស់ ឬមួយផ្នែកនៃអាជីវកម្ម ឬទ្រព្យសម្បត្តិរបស់យើង ឬ (ii) កំពុងពិចារណា ឬកំពុងចូលរួមក្នុងការរៀបចំឡើងវិញ ការបំប្លែង ការច្របាច់បញ្ចូលគ្នា ការលក់ ការបណ្តាក់ទុនរួមគ្នា ការកាត់ឈ្មោះ ការផ្ទេរ ឬការចាត់ចែងចំណែកទាំងអស់ ឬមួយចំណែកណាមួយនៃផលប្រយោជន៍កម្មសិទ្ធិ អាជីវកម្ម ឬប្រតិបត្តិការរបស់យើង។

ដោយមានការយល់ព្រមរបស់អ្នក ឬតាមការណែនាំរបស់អ្នក។ យើងអាចនឹងចែករំលែកព័ត៌មានជាមួយភាគីទីបី នៅពេលណាដែលអ្នកយល់ព្រមនឹង ឬដឹកនាំការចែករំលែកបែបនេះ។

ហេតុផលផ្សេងទៀត៖ យើងអាចនឹងចែករំលែកព័ត៌មានសម្រាប់ហេតុផលផ្សេងទៀតដែលយើងអាចពណ៌នាប្រាប់អ្នក។

ព័ត៌មានផ្ទាល់ខ្លួនរបស់អ្នកអាចនឹងត្រូវបានផ្ទេរទៅឱ្យភាគីទីបីនៅខាងក្រៅប្រទេសដែលអ្នករស់នៅសម្រាប់គោលបំណងដូចខាងលើ។ ដោយប្រើប្រាស់វេបសាយ ឬសេវាកម្មនេះ អ្នកទទួលស្គាល់ថា ព័ត៌មានផ្ទាល់ខ្លួនរបស់អ្នកអាចនឹងត្រូវបានផ្ទេរទៅឱ្យ និងដំណើរការនៅក្នុងដែនសមត្ថកិច្ចដែលនៅក្រៅតំបន់របស់អ្នកផ្ទាល់ ហើយថាច្បាប់ និងបទប្បញ្ញត្តិនៃការការពារទិន្នន័យដែលអនុវត្តចំពោះព័ត៌មានផ្ទាល់ខ្លួនរបស់អ្នកដែលបានផ្ទេរទៅប្រទេសផ្សេងទៀតអាចនឹងខុសពីច្បាប់នៅក្នុងប្រទេសដែលអ្នករស់នៅ។ នៅពេលធ្វើការផ្ទេរទាំងនេះ យើងនឹងចាត់វិធានការដែលបានរៀបចំ ឡើងដើម្បីធានាថាព័ត៌មានផ្ទាល់ខ្លួនរបស់អ្នកត្រូវបានការពារ និងផ្ទេរបានគ្រប់គ្រាន់ស្របតាមលក្ខខណ្ឌតម្រូវនៃច្បាប់ការពារទិន្នន័យដែលពាក់ព័ន្ធ។

4. ទំនាក់ទំនងទីផ្សារ

អ្នកអាចជ្រើសរើសមិនទទួលអ៊ីមែល និងព្រឹត្តិបត្រព័ត៌មានអំពីការធ្វើទីផ្សារ ឬការផ្សាយពាណិជ្ជកម្ម ដោយប្រើតំណភ្ជាប់ ឬយន្ដការ “ឈប់ជាវ” ដែលបានកត់សម្គាល់នៅក្នុងការទំនាក់ទំនងដែលអ្នកទទួលបានពីយើង។ អ្នកក៏អាចស្នើសុំជ្រើសរើសមិនទទួលអ៊ីមែលអំពីការធ្វើទីផ្សារ ឬការផ្សាយពាណិជ្ជកម្ម ដោយទាក់ទងមកយើងតាមរយៈវិធីសាស្រ្តមួយដូចដែលបានបញ្ជាក់នៅក្នុងផ្នែកទំនាក់ទំនងមកយើងនៃសេចក្តីថ្លែងការណ៍ឯកជនភាពនេះ។ ពេលដែលយើងដំណើរការសំណើរបស់អ្នក យើងនឹងឈប់ប្រើប្រាស់ព័ត៌មានសម្រាប់គោលបំណងបែបនេះដោយមិនគិតថ្លៃពីអ្នកឡើយ។

5. សន្តិសុខ

យើងអនុវត្តតាមស្តង់ដារឧស្សាហកម្មដែលទទួលយកជាទូទៅ ដើម្បីការពារព័ត៌មានផ្ទាល់ខ្លួនដែលបានដាក់ជូនយើង ហើយបានអនុវត្តវិធានការបច្ចេកទេស វិធានការចាត់ចែង វិធានការរដ្ឋបាល និងវិធានការរូបវន្ដសមស្រប ដើម្បីការពារព័ត៌មានផ្ទាល់ខ្លួន។ ទោះជាយ៉ាងណាក៏ដោយ គ្មានវិធីសាស្រ្តនៃការបញ្ជូនតាមអ៊ីនធឺណិត ឬវិធីសាស្រ្តនៃការផ្ទុកអេឡិចត្រូនិកណាដែលមានសុវត្ថិភាព 100% នោះទេ។ ដូច្នេះហើយ យើងមិនអាចធានាសន្តិសុខទាំងស្រុងបានទេ ហើយលើកទឹកចិត្តអ្នកឱ្យប្រើប្រាស់វេបសាយ និងចែករំលែកព័ត៌មានដោយប្រុងប្រយ័ត្ន។

6. ឃុកឃី ការវិភាគ និងបច្ចេកវិទ្យាតាមដានផ្សេងទៀត

ឃុកឃី និងបច្ចេកវិទ្យាតាមដាន៖  នៅពេលអ្នកចូលប្រើវេបសាយ យើង (និងក្រុមហ៊ុនភាគីទីបីដែលយើងធ្វើការជាមួយ) អាចនឹងប្រមូល និងរក្សាទុកព័ត៌មានជាក់លាក់ដោយប្រើបច្ចេកវិទ្យាដូចជា កំណត់ហេតុម៉ាស៊ីនមេ ឃុកឃី វេបប៊ីឃុន ក្លៀហ្គីពស៍ ថែកហ្គស៍ អ៊ីថែកហ្គស៍ ហ្លាសឃុកឃី ឯកសារកំណត់ហេតុ ភីកសែល កូដ កញ្ចប់ចាវ៉ាស្គ្រីប លេខសម្គាល់ការផ្សាយពាណិជ្ជកម្មតាមទូរសព្ទ (ដូចជាលេខសម្គាល់ Facebook ឬលេខសម្គាល់ការផ្សាយពាណិជ្ជកម្មរបស់ Google) ការភ្ជាប់ឧបករណ៍ឆ្លង និងបច្ចេកវិទ្យាស្រដៀងគ្នា។ ព័ត៌មានដែលប្រមូលបានរួមមានព័ត៌មានអំពីសកម្មភាពរបស់អ្នកនៅលើវេបសាយរបស់យើង អាសយដ្ឋាន IP កម្មវិធីរុករក ឬប្រភេទ និងកំណែប្រព័ន្ធប្រតិបត្តិការ លេខសម្គាល់ឧបករណ៍ និងព័ត៌មានប្រជាសាស្ត្រ ឬព័ត៌មានចំណាប់អារម្មណ៍ដែលសន្និដ្ឋាន ក៏ដូចជាព័ត៌មាន ឬទំនាក់ទំនងដែលអ្នកបានដាក់ជូនយើងតាមរយៈវេបសាយ។

យើងអាចនឹងប្រើប្រាស់ព័ត៌មាននេះ ដើម្បីស្វែងយល់អំពីការប្រើប្រាស់ទូទៅ និងស្ថិតិអំពីបរិមាណ របៀបដែលអ្នកប្រើប្រាស់រុករកទៅមកជុំវិញវេបសាយ របស់យើង មាតិកាអ្វីដែលត្រូវបានមើល ឬចូលប្រើប្រាស់ និងសេវាកម្មណាមួយត្រូវបានទទួល។ យើងក៏អាចនឹងប្រើប្រាស់បច្ចេកវិទ្យាទាំងនេះ ដើម្បីតាមដានព័ត៌មានចំណូលចិត្ត និងព័ត៌មានប្រូហ្វាលរបស់អ្នក និងដើម្បីអនុញ្ញាតឱ្យភាគីទីបីផ្តល់សេវាកម្មវិភាគ និងផ្សាយពាណិជ្ជកម្ម និងបម្រើការផ្សាយពាណិជ្ជកម្មក្នុងនាមយើងតាមរយៈអ៊ីនធឺណិត និងក្នុងកម្មវិធីទូរសព្ទ។ ឧទាហរណ៍ ដៃគូផ្សាយពាណិជ្ជកម្មរបស់យើងអាចប្រើការពិតដែលអ្នកបានចូលមើលវេបសាយរបស់យើងដើម្បីកំណត់គោលដៅផ្សាយពាណិជ្ជកម្មដល់អ្នកនៅលើវេបសាយ និងកម្មវិធីទូរសព្ទផ្សេងទៀតនៅលើឧបករណ៍បច្ចុប្បន្នរបស់អ្នក ឬនៅលើឧបករណ៍ផ្សេងទៀតដែលអ្នកប្រើប្រាស់។ ពួកវាអាចផ្គូផ្គងកម្មវិធីរុករក ឬឧបករណ៍របស់អ្នក បើអ្នកចូលទៅក្នុងសេវាកម្មអនឡាញដូចគ្នានៅលើឧបករណ៍ជាច្រើន។ ដៃគូភាគីទីបីទាំងនេះអាចនឹងប្រើប្រាស់ព័ត៌មាននេះសម្រាប់ការផ្សាយពាណិជ្ជកម្ម ការវិភាគ គុណលក្ខណៈ និងគោលបំណងរាយការណ៍របស់យើង និងរបស់ពួកគេផ្ទាល់។

ដើម្បីស្វែងយល់បន្ថែមអំពីការផ្សាយពាណិជ្ជកម្មផ្អែកលើចំណាប់អារម្មណ៍ បច្ចេកវិទ្យាតាមដាន និងវិធីដកខ្លួនចេញ សូមចូលទៅកាន់ http://www.aboutads.info/choices។ អ្នកអាចបិទការចែករំលែកព័ត៌មានផ្ទាល់ខ្លួនរបស់អ្នកសម្រាប់ការផ្សាយពាណិជ្ជកម្មតាមឥរិយាបថឆ្លងបរិបទ ឬការផ្សាយពាណិជ្ជកម្មដែលមានគោលដៅតាមរយៈបច្ចេកវិទ្យាតាមដានអនឡាញ ដោយចុចលើតំណ  បាតកថាវេបសាយរបស់យើង និងបិទឃុកឃីទាំងអស់ដែលមិនចាំបាច់តឹងរ៉ឹង។

សញ្ញាកុំតាមដាន៖  កម្មវិធីរុករកមួយចំនួនមានមុខងារ “កុំតាមដាន”។ វាអនុញ្ញាតឱ្យអ្នកប្រាប់វេបសាយដែលអ្នកចូលមើលថា អ្នកមិនចង់ឱ្យពួកគេតាមដានសកម្មភាពអនឡាញរបស់អ្នកទេ។ មុខងារទាំងនេះមិនទាន់មានលក្ខណៈដូចគ្នាសម្រាប់កម្មវិធីរុករកទាំងអស់ទេ។ ដូច្នេះវេបសាយរបស់យើងមិនត្រូវបានបង្កើតឡើងដើម្បីឆ្លើយតបទៅនឹងសញ្ញាទាំងនេះទេ។ ចំពោះព័ត៌មានបន្ថែមអំពីសញ្ញាកុំតាមដាន សូមចូលទៅកាន់ https://allaboutdnt.com/។

Google Analytics៖  យើងប្រើប្រាស់សេវាកម្មវិភាគដែលផ្តល់ដោយ Google Analytics។ បើអ្នកចង់បានព័ត៌មានបន្ថែមអំពីរបៀបដែល Google ប្រើប្រាស់ទិន្នន័យ នៅពេលអ្នកចូលមើល ឬប្រើប្រាស់វេបសាយរបស់យើង សូមចូលទៅកាន់ www.google.com/policies/privacy/partners។ បើអ្នកចង់ដកខ្លួនចេញ ក្រុមហ៊ុន Google ផ្តល់នូវឧបករណ៍សម្រាប់ដកខ្លួនចេញ ដែលមាននៅលើវេបសាយ https://tools.google.com/dlpage/gaoptout។

7. តំណភ្ជាប់ទៅកាន់វេបសាយផ្សេងទៀត

វេបសាយរបស់យើងអាចនឹងរួមបញ្ចូលតំណភ្ជាប់ទៅកាន់វេបសាយ ឬកម្មវិធីផ្សេងទៀតដែលការអនុវត្តឯកជនភាពអាចខុសពីវេបសាយរបស់យើង។ បើអ្នកបញ្ជូនព័ត៌មានផ្ទាល់ខ្លួនទៅកាន់វេបសាយ ឬកម្មវិធីណាមួយនោះ ព័ត៌មានរបស់អ្នកត្រូវបានគ្រប់គ្រងដោយសេចក្តីថ្លែងការឯកជនភាពរបស់ពួកគេ។ យើងសូមលើកទឹកចិត្តឱ្យអ្នកអានយ៉ាងដោយយកចិត្តទុកដាក់នូវសេចក្តីថ្លែងការណ៍ឯកជនភាពនៃវេបសាយណាមួយដែលអ្នកចូលមើល។

8. ការរក្សាទុកព័ត៌មាន

យើងរក្សាព័ត៌មានផ្ទាល់ខ្លួនរបស់អ្នកឱ្យបានយូរតាមតែចាំបាច់ ដើម្បីផ្តល់ឱ្យអ្នកនូវសេវាកម្ម សម្រាប់គោលបំណងអាជីវកម្មស្របច្បាប់ និងសំខាន់ៗ ដូចជាការធ្វើការសម្រេចចិត្តអាជីវកម្មដែលផ្អែកលើទិន្នន័យ ការអនុលោមតាមកាតព្វកិច្ចផ្លូវច្បាប់របស់យើង និងការដោះស្រាយជម្លោះ។ ព័ត៌មានផ្ទាល់ខ្លួនមិនត្រូវបានរក្សាទុកយូរជាងការចាំបាច់សម្រាប់គោលបំណងប្រមូល រក្សាទុក និងដំណើរការឡើយ។ រយៈពេលរក្សាទុកសម្រាប់ព័ត៌មានផ្ទាល់ខ្លួនប្រែប្រួលអាស្រ័យលើថាតើទិន្នន័យនោះត្រូវបានរក្សាទុកជាផ្នែកនៃកំណត់ត្រាអាជីវកម្មដែលតម្រូវដោយច្បាប់ដែរឬទេ។

9. កុមារ

យើងមិនប្រមូល ឬរក្សាទុកព័ត៌មានផ្ទាល់ខ្លួនណាមួយដោយចេតនាពីជនណាដែលមានអាយុក្រោម 13 ឆ្នាំឡើយ ក្នុងករណីដែលយើងដឹងថាយើងបានប្រមូល ឬរក្សាទុកព័ត៌មានផ្ទាល់ខ្លួនពីជនដែលមានអាយុក្រោម 13 ឆ្នាំ យើងនឹងលុបព័ត៌មានផ្ទាល់ខ្លួនរបស់ពួកគេចេញពីសំណុំឯកសាររបស់យើង។ បើអ្នកជាមាតាបិតា ឬអ្នកអាណាព្យាបាល ហើយជឿថាយើងប្រហែលជាបានប្រមូលព័ត៌មានផ្ទាល់ខ្លួនដោយអចេតនាពីកូនរបស់អ្នក សូមជូនដំណឹងមកយើងភ្លាមដោយផ្ញើអ៊ីមែលទៅ privacy@wd40.com។

10. របៀបធ្វើបច្ចុប្បន្នភាពព័ត៌មានរបស់អ្នក

ក្នុងពេលណាក៏ដោយ អ្នកមានសិទ្ធិស្នើសុំចូលដំណើរការ និងស្នើឱ្យយើងធ្វើការកែតម្រូវព័ត៌មានផ្ទាល់ខ្លួនរបស់អ្នកបាន។ ដើម្បីចូលប្រើ ផ្លាស់ប្តូរ ឬធ្វើបច្ចុប្បន្នភាពព័ត៌មានដែលយើងកាន់កាប់ និងទាក់ទងនឹងអ្នក សូមទាក់ទងមកយើង ដោយប្រើព័ត៌មានលម្អិតទំនាក់ទំនងនៅផ្នែកទី 11។

11. ទាក់ទងមកយើង

បើអ្នកមានសំណួរ ឬកង្វល់ទាក់ទងនឹងការអនុវត្តសិទ្ធិឯកជនភាពរបស់យើង ឬសេចក្តីថ្លែងការណ៍ឯកជនភាពនេះ អ្នកអាចទាក់ទងដោយការសរសេរ ឬផ្ញើអ៊ីមែលមកយើងតាមអាសយដ្ឋានខាងក្រោម៖

ក្រុមហ៊ុន WD-40 (WD-40 Company)

ជូន៖ ផ្នែកឯកជនភាព
អាសយដ្ឋាន៖ 9715 Businesspark Avenue, San Diego, CA 92131
អ៊ីមែល៖ privacy@wd40.com.

12. ការផ្លាស់ប្តូរចំពោះសេចក្តីថ្លែងការណ៍ឯកជនភាពនេះ

យើងអាចនឹងកែប្រែ ឬធ្វើបច្ចុប្បន្នភាពសេចក្តីថ្លែងការណ៍ឯកជនភាពនេះពីពេលមួយទៅពេលមួយ។ កាលបរិច្ឆេទដែលបានធ្វើបច្ចុប្បន្នភាពចុងក្រោយខាងលើបង្ហាញពីកាលបរិច្ឆេទនៃការកែប្រែចុងក្រោយបំផុត។ សេចក្ដីថ្លែងការណ៍ឯកជនភាពដែលបានធ្វើបច្ចុប្បន្នភាពនឹងត្រូវបានបង្ហោះនៅលើវេបសាយរបស់យើង។ ការបន្តប្រើប្រាស់សេវាកម្ម ឬវេបសាយរបស់អ្នក បន្ទាប់ពីយើងបង្ហោះសេចក្តីថ្លែងការណ៍ឯកជនភាពដែលបានកែប្រែ វាបង្ហាញពីការយល់ព្រមរបស់អ្នកចំពោះសេចក្តីថ្លែងការណ៍ឯកជនភាពដែលបានកែប្រែ។

13. បទប្បញ្ញត្តិជាក់លាក់ចំពោះប្រទេស/តំបន់/រដ្ឋ

California

សម្រាប់អ្នករស់នៅក្នុងរដ្ឋកាលីហ្វ័រញ៉ា លក្ខខណ្ឌបន្ថែមខាងក្រោមអនុវត្តចំពោះអ្នក។

ចាំងពន្លឺ ពន្លឺ៖ បើអ្នកជាអ្នករស់នៅរដ្ឋកាលីហ្វ័រញ៉ា ផ្នែកនេះអនុវត្តចំពោះអ្នក។ ច្បាប់ ចាំងពន្លឺ ពន្លឺ រដ្ឋកាលីហ្វ័រញ៉ា (ក្រម រដ្ឋប្បវេណី មាត្រាទី § 1798.83) ចែងពីការអនុញ្ញាតឱ្យអ្នករស់នៅរដ្ឋកាលីហ្វ័រញ៉ាស្នើសុំព័ត៌មានលម្អិតមួយចំនួនអំពីរបៀបដែលព័ត៌មានរបស់ពួកគេត្រូវបានចែករំលែកជាមួយភាគីទីបីសម្រាប់គោលបំណងធ្វើទីផ្សារផ្ទាល់របស់ភាគីទីបី។ បើអ្នកជាអ្នករស់នៅរដ្ឋកាលីហ្វ័រញ៉ា ហើយចង់ធ្វើសំណើបែបនេះ សូមផ្ញើអ៊ីមែលទៅកាន់ privacy@wd40.com ហើយសរសេរបញ្ចូល “CA Shine the Light” នៅក្នុងបន្ទាត់ប្រធានបទនៃអ៊ីមែលរបស់អ្នក។

ការបញ្ចេញព័ត៌មានតាមច្បាប់ស្តីពីឯកជនភាពអ្នកប្រើប្រាស់រដ្ឋកាលីហ្វ័រញ៉ា (CCPA)៖

ប្រភេទ និងប្រភពនៃព័ត៌មានផ្ទាល់ខ្លួនដែលយើងប្រមូល៖ ក្នុងរយៈពេល 12 ខែមុន យើងបានប្រមូលប្រភេទព័ត៌មានផ្ទាល់ខ្លួនដូចខាងក្រោម៖ ព័ត៌មានទំនាក់ទំនង អង្គសម្គាល់ ប្រូហ្វាលមេឌាសង្គម មាតិកាដែលបានបង្កើតដោយអ្នកប្រើប្រាស់ ព័ត៌មានពាណិជ្ជកម្ម ទិន្នន័យទីតាំងភូមិសាស្ត្រ ទិន្នន័យការប្រើប្រាស់ ទិន្នន័យសំឡេង/រូបភាព និងការសន្និដ្ឋាន។ ចំពោះព័ត៌មានលម្អិតអំពីចំណុចទិន្នន័យដែលយើងប្រមូលបាន និងប្រភេទនៃប្រភពនៃការប្រមូលបែបនេះ សូមមើលផ្នែកទី 1 ខាងលើ។

 

គោលបំណងដែលយើងប្រើព័ត៌មានផ្ទាល់ខ្លួន៖ យើងប្រមូលព័ត៌មានផ្ទាល់ខ្លួនសម្រាប់គោលបំណងអាជីវកម្ម និងពាណិជ្ជកម្មដែលបានពិពណ៌នានៅក្នុងផ្នែកទី 2 ខាងលើ។

 

ការលក់ ឬការចែករំលែកព័ត៌មានផ្ទាល់ខ្លួន៖ ក្នុងរយៈពេល 12 ខែមុន យើងបាន “លក់” ឬ “បានចែករំលែក” (ដោយសារពាក្យទាំងនោះត្រូវបានកំណត់និយមន័យនៅក្នុងច្បាប់ CCPA) ប្រភេទព័ត៌មានផ្ទាល់ខ្លួនខាងក្រោម៖ អង្គសម្គាល់ ព័ត៌មានពាណិជ្ជកម្ម ទិន្នន័យទីតាំងភូមិសាស្រ្ត ទិន្នន័យការប្រើប្រាស់ អ៊ីនធឺណិត ឬអេឡិចត្រូនិក និងការសន្និដ្ឋាន។ យើងមិនប្រមូល លក់ ឬចែករំលែកព័ត៌មានផ្ទាល់ខ្លួនរបស់អនីតិជនក្រោមអាយុ 16 ឆ្នាំដោយចេតនានោះទេ។

 

ការប្រើប្រាស់ ឬការបញ្ចេញព័ត៌មានផ្ទាល់ខ្លួនរសើប៖ ក្នុងរយៈពេល 12 ខែមុននេះ យើងមិនបានប្រើប្រាស់ ឬបានបញ្ចេញព័ត៌មានផ្ទាល់ខ្លួនរសើបសម្រាប់គោលបំណងដែលសិទ្ធិដាក់កំហិតលើការប្រើប្រាស់ និងការបញ្ចេញព័ត៌មានត្រូវបានអនុវត្តក្រោមច្បាប់ CCPA នោះទេ។

 

ការបញ្ចេញព័ត៌មានសម្រាប់គោលបំណងអាជីវកម្ម៖  ក្នុងរយៈពេល 12 ខែមុន យើងបានបង្ហាញពីប្រភេទព័ត៌មានផ្ទាល់ខ្លួនខាងក្រោមសម្រាប់គោលបំណងអាជីវកម្មដែលមានចែងក្នុងផ្នែកទី 3 ខាងលើ ទៅកាន់ប្រភេទនៃអ្នកទទួលព័ត៌មានខាងក្រោម៖

 

ប្រភេទព័ត៌មានផ្ទាល់ខ្លួន	ប្រភេទនៃអ្នកទទួល
ព័ត៌មានទំនាក់ទំនង	អ្នកផ្តល់សេវា សាខា ទីប្រឹក្សាជំនាញ ស្ថាប័នរដ្ឋាភិបាល
អង្គសម្គាល់ពិសេស	អ្នកផ្តល់សេវា សាខា ទីប្រឹក្សាជំនាញ ដៃគូទីផ្សារ/ដៃគូវិភាគ/ដៃគូផ្សាយពាណិជ្ជកម្ម
ប្រូហ្វាលមេឌាសង្គម	អ្នកផ្តល់សេវា សាខា ទីប្រឹក្សាជំនាញ ដៃគូទីផ្សារ/ដៃគូវិភាគ/ដៃគូផ្សាយពាណិជ្ជកម្ម
មាតិកាបង្កើតដោយអ្នកប្រើប្រាស់	អ្នកផ្តល់សេវា សាខា ទីប្រឹក្សាជំនាញ ដៃគូទីផ្សារ/ដៃគូវិភាគ/ដៃគូផ្សាយពាណិជ្ជកម្ម
ព័ត៌មានពាណិជ្ជកម្ម	អ្នកផ្តល់សេវា សាខា ទីប្រឹក្សាជំនាញ ស្ថាប័នរដ្ឋាភិបាល ដៃគូទីផ្សារ/ដៃគូវិភាគ/ដៃគូផ្សាយពាណិជ្ជកម្ម
ទិន្នន័យការប្រើប្រាស់	អ្នកផ្តល់សេវា សាខា ដៃគូធ្វើទីផ្សារ/ដៃគូវិភាគ/ដៃគូផ្សព្វផ្សាយពាណិជ្ជកម្ម
ទិន្នន័យទីតាំងភូមិសាស្ត្រ	អ្នកផ្តល់សេវា សាខា ដៃគូធ្វើទីផ្សារ/ដៃគូវិភាគ/ដៃគូផ្សព្វផ្សាយពាណិជ្ជកម្ម
ទិន្នន័យសំឡេង/រូបភាព	អ្នកផ្តល់សេវា សាខា ដៃគូធ្វើទីផ្សារ/ដៃគូវិភាគ/ដៃគូផ្សព្វផ្សាយពាណិជ្ជកម្ម
ការសន្និដ្ឋាន	អ្នកផ្តល់សេវា សាខា ដៃគូធ្វើទីផ្សារ/ដៃគូវិភាគ/ដៃគូផ្សព្វផ្សាយពាណិជ្ជកម្ម

 

សម្រាប់ការពិពណ៌នាកាន់តែទូលំទូលាយអំពីប្រភេទនៃអ្នកទទួល សូមមើលផ្នែកទី 3 ខាងលើ។

សិទ្ធិរបស់អ្នកក្រោមច្បាប់ CCPA

យោងតាមការលើកលែង និងដែនកំណត់ជាក់លាក់ ច្បាប់ CCPA ចែងផ្តល់សិទ្ធិឱ្យអតិថជនប្រើប្រាស់រដ្ឋកាលីហ្វ័រញ៉ាដូចខាងក្រោម៖

• សិទ្ធិស្នើសុំឱ្យយើងប្រាប់អ្នក (i) តើព័ត៌មានផ្ទាល់ខ្លួនអ្វីខ្លះដែលយើងបានប្រមូលអំពីអ្នក (ii) ប្រភពនៃព័ត៌មាននោះ (iii) គោលបំណងអាជីវកម្ម ឬគោលបំណងពាណិជ្ជកម្មសម្រាប់ការប្រមូល ការលក់ ឬការចែករំលែកព័ត៌មានផ្ទាល់ខ្លួន និង (iv) ប្រភេទនៃភាគីទីបីដែលយើងបានបញ្ចេញព័ត៌មានផ្ទាល់ខ្លួនរបស់អ្នកទៅឲ្យ។
• សិទ្ធិស្នើសុំឱ្យយើងផ្តល់ឱ្យអ្នកនូវច្បាប់ចម្លងនៃព័ត៌មានផ្ទាល់ខ្លួនរបស់អ្នក។
• សិទ្ធិស្នើសុំឱ្យយើងលុបព័ត៌មានផ្ទាល់ខ្លួនរបស់អ្នក។
• សិទ្ធិដកខ្លួនចេញពីការលក់ព័ត៌មានផ្ទាល់ខ្លួនរបស់អ្នក។
• សិទ្ធិដកខ្លួនចេញពីការចែករំលែកព័ត៌មានផ្ទាល់ខ្លួនរបស់អ្នកសម្រាប់ការផ្សាយពាណិជ្ជកម្មតាមបរិបទឆ្លង
• សិទ្ធិណែនាំយើងឱ្យដាក់កំហិតលើការប្រើប្រាស់ ឬការបញ្ចេញព័ត៌មានផ្ទាល់ខ្លួនរសើបរបស់អ្នកចំពោះតែគោលបំណងដែលបានបញ្ជាក់នៅក្នុងច្បាប់ CCPA ប៉ុណ្ណោះ។
• សិទ្ធិកែតម្រូវព័ត៌មានផ្ទាល់ខ្លួនមិនត្រឹមត្រូវដែលយើងកាន់កាប់អំពីអ្នក។
• សិទ្ធិមិនមានការរើសអើងចំពោះការអនុវត្តសិទ្ធិណាមួយនៃសិទ្ធិក្រោមច្បាប់ CCPA របស់អ្នក។

ការអនុវត្តសិទ្ធិរបស់អ្នក៖ ដើម្បីអនុវត្តសិទ្ធិណាមួយនៃសិទ្ធិក្រោមច្បាប់ CCPA របស់អ្នក សូមចុច   ឬហៅទូរសព្ទមកយើងតាមលេខ 1-877-906-1824។ ចំពោះសំណើទាំងអស់ អ្នកត្រូវតែផ្តល់ឱ្យយើងនូវឈ្មោះ អាសយដ្ឋានអ៊ីមែល លេខទូរសព្ទ និងអាសយដ្ឋានផ្ញើសំបុត្ររបស់អ្នក។ ការខកខានមិនផ្តល់ព័ត៌មានខាងលើទាំងអស់នឹងរារាំងយើងមិនឲ្យដំណើរការសំណើរបស់អ្នក។ យើងនឹងផ្ទៀងផ្ទាត់អត្តសញ្ញាណរបស់អ្នកដោយផ្គូផ្គងព័ត៌មានដែលយើងបានប្រមូលបានជាមួយនឹងព័ត៌មានដែលអ្នកបានផ្តល់។ បើអ្នកបានស្នើសុំឱ្យយើងកែតម្រូវព័ត៌មានផ្ទាល់ខ្លួនរបស់អ្នក យើងអាចទាក់ទងអ្នកដើម្បីស្នើសុំព័ត៌មានបន្ថែមអំពីព័ត៌មានផ្ទាល់ខ្លួនដែលអ្នកជឿថាមានភាពមិនត្រឹមត្រូវ រួមទាំងឯកសារបញ្ជាក់ផងដែរ។ ដើម្បីចាត់តាំងទីភ្នាក់ងារដែលមានការអនុញ្ញាតឲ្យធ្វើការជំនួសអ្នក អ្នកត្រូវតែផ្ញើពាក្យអនុញ្ញាតជាលាយលក្ខណ៍អក្សរមានចុះហត្ថលេខាមកយើងតាមរយៈអ៊ីមែល privacy@wd40.com។

ការគ្រប់គ្រងភាពឯកជនសកល និងសញ្ញានៃការចង់បានដកខ្លួន៖ កម្មវិធីរុករក ឬផ្នែកបន្ថែមរបស់កម្មវិធីរុករកមួយចំនួនក៏អនុញ្ញាតឱ្យអ្នកប្រាប់វេបសាយមិនឱ្យចែករំលែកព័ត៌មានរបស់អ្នកសម្រាប់ការផ្សាយពាណិជ្ជកម្មតាមបរិបទឆ្លងតាមរយៈ “ការគ្រប់គ្រងភាពឯកជនសកល” ឬសញ្ញានៃការចង់បានដកខ្លួនផ្សេងទៀតផងដែរ។ បើអ្នកបានបើកការគ្រប់គ្រងឯកជនភាពសកល ឬសញ្ញានៃការចង់បានដកខ្លួនផ្សេងទៀតនៅលើកម្មវិធីរុករក ឬផ្នែកបន្ថែមរបស់អ្នក យើងនឹងគោរពសំណើបែបនេះដែលអាចទទួលស្គាល់ដោយវេបសាយរបស់យើងដោយការបិទបច្ចេកវិទ្យាវិភាគ និងបច្ចេកវិទ្យាផ្សាយពាណិជ្ជកម្ម។ សូមចំណាំថា យើងប្រហែលជាមិនទាន់អាចភ្ជាប់សញ្ញានៃការចង់បានដកខ្លួនផ្សេងទៀតជាមួយព័ត៌មានផ្ទាល់ខ្លួនផ្សេងទៀត ដូចជាអាសយដ្ឋានអ៊ីមែលរបស់អ្នកបានទេ។ អ្នកក៏នឹងត្រូវបានជ្រើសរើសឲ្យចាកចេញពីការលក់ ឬការចែករំលែកព័ត៌មានផ្ទាល់ខ្លួនតាមអនឡាញ ហើយនឹងត្រូវការឲ្យបើកវាសម្រាប់កម្មវិធីរុករកនីមួយៗដែលអ្នកប្រើ។ សូមមើល “ការអនុវត្តសិទ្ធិរបស់អ្នក” ខាងលើ បើអ្នកចង់ពង្រីកសំណើសុំដកខ្លួនរបស់អ្នកលើសពីការអនុវត្តការផ្សាយពាណិជ្ជកម្មអនឡាញដែលបានពិពណ៌នាខាងលើ។

Texas

សម្រាប់អ្នករស់នៅក្នុងរដ្ឋតិចសាស់ លក្ខខណ្ឌបន្ថែមខាងក្រោមអនុវត្តចំពោះអ្នក។

យើងបានកំណត់ខាងលើនេះនូវប្រភេទទិន្នន័យផ្ទាល់ខ្លួនដែលយើងដំណើរការ គោលបំណងសម្រាប់ការដំណើរការទិន្នន័យផ្ទាល់ខ្លួន ប្រភេទទិន្នន័យផ្ទាល់ខ្លួនដែលបានចែករំលែក និងប្រភេទនៃភាគីទីបីដែលទិន្នន័យផ្ទាល់ខ្លួនត្រូវបានចែករំលែកជាមួយ។

សិទ្ធិរបស់អ្នក​

យោងតាមការលើកលែង និងដែនកំណត់ជាក់លាក់ អតិថជនប្រើប្រាស់នៅរដ្ឋតិចសាស់មានសិទ្ធិដូចខាងក្រោម៖

• សិទ្ធិស្នើសុំឱ្យយើងបញ្ជាក់ថាតើយើងកំពុងដំណើរការទិន្នន័យផ្ទាល់ខ្លួនរបស់អ្នក និងសិទ្ធិចូលប្រើទិន្នន័យផ្ទាល់ខ្លួនរបស់អ្នកដែរឬទេ។
• សិទ្ធិទទួលបានច្បាប់ចម្លងនៃទិន្នន័យផ្ទាល់ខ្លួនរបស់អ្នកក្នុងទម្រង់ដែលអាចចល័តបាន និងក្នុងកម្រិតដែលអាចធ្វើទៅបានតាមលក្ខណៈបច្ចេកទេស ទម្រង់ដែលអាចប្រើប្រាស់បានយ៉ាងងាយស្រួលដែលអនុញ្ញាតឱ្យទិន្នន័យចល័តបាន។
• សិទ្ធិកែតម្រូវទិន្នន័យផ្ទាល់ខ្លួនមិនត្រឹមត្រូវដែលយើងកាន់កាប់អំពីអ្នក។
• សិទ្ធិស្នើសុំឱ្យយើងលុបព័ត៌មានផ្ទាល់ខ្លួនរបស់អ្នក។
• សិទ្ធិដកខ្លួនចេញពីការដំណើរការទិន្នន័យផ្ទាល់ខ្លួនសម្រាប់គោលបំណងនៃ (i) ការផ្សាយពាណិជ្ជកម្មតាមគោលដៅ/ការផ្សាយពាណិជ្ជកម្មតាមបរិបទឆ្លង (ii) ការលក់ទិន្នន័យផ្ទាល់ខ្លួន ឬ (iii) ការសម្រេចចិត្តដោយស្វ័យប្រវត្តិ ឬការរៀបចំទម្រង់ប្រូហ្វាលក្នុងការបន្តការសម្រេចចិត្ត ដែលបង្កើតផលប៉ះពាល់យ៉ាងសំខាន់ផ្នែកច្បាប់ ឬស្រដៀងគ្នាទាក់ទងនឹងអ្នក។

ការអនុវត្តសិទ្ធិរបស់អ្នក

ដើម្បីអនុវត្តសិទ្ធិណាមួយនៃសិទ្ធិរបស់អ្នក សូមចុច នៅទីនេះ  ឬហៅទូរសព្ទមកយើងតាមលេខ 1-877-906-1824។ ចំពោះសំណើទាំងអស់ អ្នកត្រូវតែផ្តល់ឱ្យយើងនូវឈ្មោះ អាសយដ្ឋានអ៊ីមែល លេខទូរសព្ទ និងអាសយដ្ឋានផ្ញើសំបុត្ររបស់អ្នក។ ការខកខានមិនផ្តល់ព័ត៌មានខាងលើទាំងអស់នឹងរារាំងយើងមិនឲ្យដំណើរការសំណើរបស់អ្នក។ យើងនឹងផ្ទៀងផ្ទាត់អត្តសញ្ញាណរបស់អ្នកដោយផ្គូផ្គងព័ត៌មានដែលយើងបានប្រមូលបានជាមួយនឹងព័ត៌មានដែលអ្នកបានផ្តល់។ បើអ្នកបានស្នើសុំឱ្យយើងកែតម្រូវព័ត៌មានផ្ទាល់ខ្លួនរបស់អ្នក យើងអាចទាក់ទងអ្នកដើម្បីស្នើសុំព័ត៌មានបន្ថែមអំពីព័ត៌មានផ្ទាល់ខ្លួនដែលអ្នកជឿថាមានភាពមិនត្រឹមត្រូវ រួមទាំងឯកសារបញ្ជាក់ផងដែរ។ ដើម្បីចាត់តាំងទីភ្នាក់ងារដែលមានការអនុញ្ញាតឲ្យធ្វើការជំនួសអ្នក អ្នកត្រូវតែផ្ញើពាក្យអនុញ្ញាតជាលាយលក្ខណ៍អក្សរមានចុះហត្ថលេខាមកយើងតាមរយៈអ៊ីមែល privacy@wd40.com។

ការប្តឹងឧទ្ធរណ៍លើការសម្រេចចិត្តរបស់យើង។  បើយើងបដិសេធមិនចាត់វិធានការលើសំណើរបស់អ្នក អ្នកអាចប្តឹងឧទ្ធរណ៍លើការសម្រេចចិត្តរបស់យើងក្នុងរយៈពេលដ៏សមរម្យមិនត្រូវលើសពី 90 ថ្ងៃតាមប្រតិទិនចាប់ពីថ្ងៃដែលអ្នកបានទទួលការឆ្លើយតបរបស់យើង។  អ្នកអាចអនុវត្តសិទ្ធិប្តឹងឧទ្ធរណ៍របស់អ្នកដោយផ្ញើអ៊ីមែលមកយើងតាមរយៈ privacy@wd40.com។  សូមបញ្ចូលឈ្មោះពេញរបស់អ្នក មូលដ្ឋាននៃការប្តឹងឧទ្ធរណ៍របស់អ្នក និងព័ត៌មានបន្ថែមដែលត្រូវពិចារណា។

ការគ្រប់គ្រងភាពឯកជនសកល និងសញ្ញានៃការចង់បានដកខ្លួន៖ កម្មវិធីរុករក ឬផ្នែកបន្ថែមរបស់កម្មវិធីរុករកមួយចំនួនក៏អនុញ្ញាតឱ្យអ្នកប្រាប់វេបសាយមិនឱ្យចែករំលែកព័ត៌មានរបស់អ្នកសម្រាប់ការផ្សាយពាណិជ្ជកម្មតាមបរិបទឆ្លងតាមរយៈ “ការគ្រប់គ្រងភាពឯកជនសកល” ឬសញ្ញានៃការចង់បានដកខ្លួនផ្សេងទៀតផងដែរ។ បើអ្នកបានបើកការគ្រប់គ្រងឯកជនភាពសកល ឬសញ្ញានៃការចង់បានដកខ្លួនផ្សេងទៀតនៅលើកម្មវិធីរុករក ឬផ្នែកបន្ថែមរបស់អ្នក យើងនឹងគោរពសំណើបែបនេះដែលអាចទទួលស្គាល់ដោយវេបសាយរបស់យើងដោយការបិទបច្ចេកវិទ្យាវិភាគ និងបច្ចេកវិទ្យាផ្សាយពាណិជ្ជកម្ម។ សូមចំណាំថា យើងប្រហែលជាមិនទាន់អាចភ្ជាប់សញ្ញានៃការចង់បានដកខ្លួនផ្សេងទៀតជាមួយព័ត៌មានផ្ទាល់ខ្លួនផ្សេងទៀត ដូចជាអាសយដ្ឋានអ៊ីមែលរបស់អ្នកបានទេ។ អ្នកក៏នឹងត្រូវបានជ្រើសរើសឲ្យចាកចេញពីការលក់ ឬការចែករំលែកព័ត៌មានផ្ទាល់ខ្លួនតាមអនឡាញ ហើយនឹងត្រូវការឲ្យបើកវាសម្រាប់កម្មវិធីរុករកនីមួយៗដែលអ្នកប្រើ។ សូមមើល “ការអនុវត្តសិទ្ធិរបស់អ្នក” ខាងលើ បើអ្នកចង់ពង្រីកសំណើសុំដកខ្លួនរបស់អ្នកលើសពីការអនុវត្តការផ្សាយពាណិជ្ជកម្មអនឡាញដែលបានពិពណ៌នាខាងលើ។

តំបន់សេដ្ឋកិច្ចអឺរ៉ុប (EEA) ចក្រភពអង់គ្លេស និងប្រទេសស្វីស

សម្រាប់អ្នករស់នៅក្នុងតំបន់សេដ្ឋកិច្ចអ៊ឺរ៉ុប (EEA) ចក្រភពអង់គ្លេស និងប្រទេសស្វីស លក្ខខណ្ឌបន្ថែមខាងក្រោមអនុវត្តចំពោះអ្នក។

អ្នកត្រួតពិនិត្យ៖  អ្នកត្រួតពិនិត្យព័ត៌មានផ្ទាល់ខ្លួនរបស់អ្នកគឺ៖  ក្រុមហ៊ុន WD-40 Company Limited (WD-40 Company Limited)

ការបញ្ចេញព័ត៌មាន និងការផ្ទេរព័ត៌មានឆ្លងដែន៖ ព័ត៌មានផ្ទាល់ខ្លួនដែលត្រូវបានចែករំលែកជាមួយសាខា និងភាគីទីបី ដូចដែលបានពិពណ៌នានៅក្នុងសេចក្តីថ្លែងការណ៍ឯកជនភាពនេះត្រូវបានធ្វើដោយអនុលោមតាមកិច្ចសន្យាដែលរួមបញ្ចូលការការពារដែលត្រូវការនៅក្រោមច្បាប់ GDPR ឬ UK GDPR តាមដែលអាចអនុវត្តបាន។ យើងជាក្រុមហ៊ុនសកលមួយ ហើយព័ត៌មានផ្ទាល់ខ្លួនរបស់អ្នកនឹងត្រូវបានចែករំលែកក្នុងចំណោមពួកយើង និងផ្ទេរទៅក្រៅប្រទេសដែលអ្នករស់នៅ។ ដោយប្រើប្រាស់វេបសាយ ឬសេវាកម្មនេះ អ្នកទទួលស្គាល់ថា ព័ត៌មានផ្ទាល់ខ្លួនរបស់អ្នកអាចនឹងត្រូវបានផ្ទេរទៅឱ្យ និងដំណើរការនៅក្នុងដែនសមត្ថកិច្ចដែលនៅក្រៅតំបន់របស់អ្នកផ្ទាល់ ហើយថាច្បាប់ និងបទប្បញ្ញត្តិនៃការការពារទិន្នន័យដែលអនុវត្តចំពោះព័ត៌មានផ្ទាល់ខ្លួនរបស់អ្នកដែលបានផ្ទេរទៅសហរដ្ឋអាមេរិក ឬប្រទេសផ្សេងទៀតអាចនឹងខុសពីច្បាប់នៅក្នុងប្រទេសដែលអ្នករស់នៅ។ អនុលោមតាមច្បាប់ GDPR និង UK GDPR ព័ត៌មានផ្ទាល់ខ្លួនដែលត្រូវបានផ្ទេរនៅខាងក្រៅតំបន់សេដ្ឋកិច្ចអឺរ៉ុបត្រូវបានធ្វើឡើងដោយអនុលោមតាមការរៀបចំអនុលោមភាពដូចជាកិច្ចព្រមព្រៀងផ្ទេរទិន្នន័យដែលមានចែងអំពីប្រការកិច្ចសន្យាស្តង់ដារដែលបានអនុម័តដោយគណៈកម្មការអឺរ៉ុបដែលផ្តល់ការការពារការផ្ទេរបែបនេះ ឬវិញ្ញាបនបត្រដែលទទួលស្គាល់ដោយស្របច្បាប់។

សិទ្ធិរបស់អ្នកលើព័ត៌មានផ្ទាល់ខ្លួនរបស់អ្នក៖ អ្នកមានសិទ្ធិស្នើសុំឱ្យយើង៖

• បញ្ជាក់ថាតើយើងកំពុងដំណើរការព័ត៌មានផ្ទាល់ខ្លួនរបស់អ្នកឬអត់
• ផ្តល់ឱ្យអ្នក ឬភាគីទីបីដែលអ្នកកំណត់ជាមួយនឹងព័ត៌មានផ្ទាល់ខ្លួនជាក់លាក់របស់អ្នកក្នុងទម្រង់ដែលម៉ាស៊ីនអាចអានបានប្រើជាទូទៅ។
• ធ្វើបច្ចុប្បន្នភាព ឬកែតម្រូវព័ត៌មានផ្ទាល់ខ្លួនរបស់អ្នកនៅពេលដែលវាមិនត្រឹមត្រូវ ឬមិនពេញលេញ
• លុបចោល ឬលុបព័ត៌មានផ្ទាល់ខ្លួនរបស់អ្នកក្នុងកាលៈទេសៈជាក់លាក់
• ដាក់កំហិតលើការដំណើរការ ឬបញ្ឈប់ដំណើរការព័ត៌មានផ្ទាល់ខ្លួនរបស់អ្នកក្នុងកាលៈទេសៈមួយចំនួន រួមទាំងសម្រាប់សកម្មភាពធ្វើទីផ្សារ និងការបង្កើតទម្រង់ប្រូហ្វាលសម្រាប់សកម្មភាពធ្វើទីផ្សារ និងការបង្កើតទម្រង់ប្រូហ្វាលសម្រាប់គោលបំណងធ្វើស្ថិតិ
• ឬដកពាក្យយល់ព្រមដែលបានផ្តល់ពីមុនក្នុងវិសាលភាពដែលបានអនុញ្ញាតដោយច្បាប់។

ដើម្បីអនុវត្តសិទ្ធិឯកជនភាពណាមួយនៃសិទ្ធិឯកជនភាពរបស់អ្នក សូមចុច នៅទីនេះ  ឬហៅទូរសព្ទមកយើងតាមលេខ 1-877-906-1824។ ចំពោះសំណើទាំងអស់ អ្នកត្រូវតែផ្តល់ឱ្យយើងនូវឈ្មោះ អាសយដ្ឋានអ៊ីមែល លេខទូរសព្ទ និងអាសយដ្ឋានផ្ញើសំបុត្ររបស់អ្នក។ ការខកខានមិនផ្តល់ព័ត៌មានខាងលើទាំងអស់នឹងរារាំងយើងមិនឲ្យដំណើរការសំណើរបស់អ្នក។ យើងនឹងផ្ទៀងផ្ទាត់អត្តសញ្ញាណរបស់អ្នកដោយផ្គូផ្គងព័ត៌មានដែលយើងបានប្រមូលបានជាមួយនឹងព័ត៌មានដែលអ្នកបានផ្តល់។ បើអ្នកបានស្នើសុំឱ្យយើងកែតម្រូវព័ត៌មានផ្ទាល់ខ្លួនរបស់អ្នក យើងអាចទាក់ទងអ្នកដើម្បីស្នើសុំព័ត៌មានបន្ថែមអំពីព័ត៌មានផ្ទាល់ខ្លួនដែលអ្នកជឿថាមានភាពមិនត្រឹមត្រូវ រួមទាំងឯកសារបញ្ជាក់ផងដែរ។ ដើម្បីចាត់តាំងទីភ្នាក់ងារដែលមានការអនុញ្ញាតឲ្យធ្វើការជំនួសអ្នក អ្នកត្រូវតែផ្ញើពាក្យអនុញ្ញាតជាលាយលក្ខណ៍អក្សរមានចុះហត្ថលេខាមកយើងតាមរយៈអ៊ីមែល privacy@wd40.comយើងលើកទឹកចិត្តសាមីជនលើកឡើងពីកង្វល់ណាមួយ ដោយប្រើព័ត៌មានទំនាក់ទំនងដែលបានផ្តល់ ហើយយើងនឹងស៊ើបអង្កេត និងព្យាយាមដោះស្រាយរាល់បញ្ហាដែលទាក់ទងនឹងការប្រើប្រាស់ និងការបញ្ចេញព័ត៌មានផ្ទាល់ខ្លួនរបស់អ្នក។

Mexico

សម្រាប់អ្នករស់នៅក្នុងរដ្ឋម៉ិកស៊ីកូ លក្ខខណ្ឌបន្ថែមខាងក្រោមអនុវត្តចំពោះអ្នក។

អ្នកត្រួតពិនិត្យទិន្នន័យ៖ អ្នកត្រួតពិនិត្យទិន្នន័យរបស់អ្នកគឺក្រុមហ៊ុន WD-40 Co. Mexico, S. de R.L. de C.V

ការប្រើប្រាស់ទិន្នន័យផ្ទាល់ខ្លួនរបស់អ្នក៖  ទិន្នន័យផ្ទាល់ខ្លួនដែលយើងប្រមូលត្រូវបានប្រើប្រាស់សម្រាប់គោលបំណងដែលមានចែងនៅក្នុងផ្នែកទី 1 នៃសេចក្តីថ្លែងការណ៍ឯកជនភាពនេះ ឬដូចមានចែងនៅក្នុងសម្ភារៈឯកសារដែលអ្នកទទួលបាន។

ការយល់ព្រមលើដំណើរការ៖ ដោយអនុលោមតាមច្បាប់សហព័ន្ធស្តីពីការការពារទិន្នន័យផ្ទាល់ខ្លួនដែលគ្រប់គ្រងដោយភាគីឯកជន និងបទប្បញ្ញត្តិអមជាមួយរបស់ខ្លួន អ្នកយល់ព្រមនឹងការដំណើរការទិន្នន័យផ្ទាល់ខ្លួនរបស់អ្នកដោយអនុលោមតាមបទប្បញ្ញត្តិនៃសេចក្តីថ្លែងការណ៍ឯកជនភាពនេះ លុះត្រាតែអ្នកសម្តែងការជំទាស់របស់អ្នកតាមវិធីដែលបានផ្តល់នៅក្រោមផ្នែកសិទ្ធិរបស់អ្នកនៃសេចក្តីថ្លែងការណ៍ឯកជនភាពនេះ។ យើងអាចនឹងដំណើរការព័ត៌មានហិរញ្ញវត្ថុ ឬទ្រព្យសម្បត្តិ ដើម្បីផ្តល់ឱ្យអ្នកនូវផលិតផល និងសេវាកម្មរបស់យើងសម្រាប់គោលបំណងនៃការបំពេញកាតព្វកិច្ចក្រោមទំនាក់ទំនងផ្លូវច្បាប់រវាងអ្នក និងយើង។

សិទ្ធិរបស់អ្នក​៖  អ្នកមានពេលប្រាំ (5) ថ្ងៃបន្ទាប់ពីសេចក្តីថ្លែងការណ៍ឯកជនភាពនេះត្រូវបានជូនដំណឹងដល់អ្នកដើម្បីបដិសេធមិនអនុញ្ញាតការដំណើរការព័ត៌មានផ្ទាល់ខ្លួនរបស់អ្នកសម្រាប់គោលបំណងដែលខុសពីអ្វីដែលចាំបាច់ ស្របតាមទំនាក់ទំនងផ្លូវច្បាប់រវាងអ្នក និងយើង បើមិនដូច្នេះទេ អ្នកត្រូវបានចាត់ទុកថាបានយល់ព្រមចំពោះការដំណើរការបែបនេះ។ អ្នកក៏មានសិទ្ធិចូលប្រើព័ត៌មានផ្ទាល់ខ្លួនរបស់អ្នកផងដែរ សិទ្ធិកែតម្រូវព័ត៌មានបែបនេះនៅពេលដែលវាមិនត្រឹមត្រូវ ឬមិនពេញលេញ សិទ្ធិលុបចោល ឬលុបព័ត៌មានផ្ទាល់ខ្លួនរបស់អ្នក សិទ្ធិប្រឆាំងនឹងការប្រើប្រាស់ព័ត៌មានរបស់អ្នកសម្រាប់គោលបំណងជាក់លាក់មួយ ឬសិទ្ធិដកហូតការយល់ព្រមដែលបានផ្តល់ពីមុនក្នុងវិសាលភាពដែលបានអនុញ្ញាតដោយច្បាប់។ បើអ្នកលុបចោល ឬដកហូតលទ្ធភាពរបស់យើងក្នុងការប្រើប្រាស់ព័ត៌មានផ្ទាល់ខ្លួនជាក់លាក់ យើងប្រហែលជាមិនអាចផ្តល់ទំនិញ និងសេវាកម្មជាក់លាក់ដល់អ្នកបានទេ។

ដើម្បីអនុវត្តសិទ្ធិណាមួយក្នុងចំណោមសិទ្ធិដែលបានពិពណ៌នាខាងលើ សូមផ្ញើអ៊ីមែលមកយើងតាមរយៈ privacy@wd40.com។ អ្នកត្រូវតែបញ្ចូលក្នុងអ៊ីមែលនូវ (a) ឈ្មោះពេញរបស់អ្នក (b) ព័ត៌មានទំនាក់ទំនងរបស់អ្នក រួមទាំងអាសយដ្ឋានផ្ញើសំបុត្រ អាសយដ្ឋានអ៊ីមែល និងលេខទូរសព្ទរបស់អ្នក (c) សិទ្ធិ ដែលអ្នក ចង់អនុវត្ត (d) ភស្តុតាងនៃអត្តសញ្ញាណរបស់អ្នក ឬតំណាងស្របច្បាប់របស់អ្នក និង (e) ព័ត៌មាន សម្ភារៈ ឬឯកសារផ្សេងទៀតដែលនឹងជួយយើងក្នុងការកំណត់ទីតាំងទិន្នន័យផ្ទាល់ខ្លួនរបស់អ្នក។

យើងនឹងឆ្លើយតបទៅនឹងសំណើរបស់អ្នកក្នុងរយៈពេលម្ភៃ (20) ថ្ងៃបន្ទាប់ពីទទួលបានសំណើរបស់អ្នក និងការផ្ទៀងផ្ទាត់អត្តសញ្ញាណរបស់អ្នក ឬរយៈពេលដែលអនុញ្ញាតដោយច្បាប់។ យើងអាចនឹងទាក់ទងអ្នក (i) ដើម្បីស្នើសុំព័ត៌មានបន្ថែមពីអ្នក បើយើងមិនអាចផ្ទៀងផ្ទាត់អត្តសញ្ញាណរបស់អ្នកពីព័ត៌មានដែលអ្នកផ្តល់នៅក្នុងសំណើអ៊ីមែលរបស់អ្នក (ii) ដើម្បីជូនដំណឹងដល់អ្នកអំពីពេលវេលាដែលអ្នកនឹងទទួលបានការឆ្លើយតបទៅនឹងសំណើរបស់អ្នក (iii) ដើម្បីផ្តល់ឱ្យអ្នកនូវការណែនាំអំពីរបៀបដែលអ្នកត្រូវតែដាក់សំណើរបស់អ្នក រួមទាំងទម្រង់បែបបទដែលអ្នកអាចប្រើដើម្បីបញ្ជូនពាក្យសុំរបស់អ្នក បើមាន និង (iv) ដើម្បីជូនដំណឹងដល់អ្នកអំពីរបៀបដែលយើងនឹងផ្តល់ឱ្យអ្នកនូវព័ត៌មានដែលអ្នកបានស្នើសុំ (ដែលជាធម្មតាជាច្បាប់ចម្លងនៃឯកសារ ឬព័ត៌មាន)។

ការផ្ទេរទិន្នន័យ៖ យើងអាចនឹងផ្ទេរទិន្នន័យផ្ទាល់ខ្លួនរបស់អ្នក ដូចដែលបានផ្តល់ជូននៅក្នុងផ្នែកទី 3 នៃសេចក្តីថ្លែងការណ៍ឯកជនភាពនេះ។ ការផ្ទេរនេះគឺទៅឱ្យភាគីទីបីដែលចាំបាច់សម្រាប់ការផ្តល់ទំនិញ និងសេវាកម្មរបស់យើងដល់អ្នក ផ្ទេរទៅឲ្យសាខារបស់យើង ឬភាគីទីបីដែលចាំបាច់ស្របតាមទំនាក់ទំនងផ្លូវច្បាប់របស់យើងជាមួយអ្នក ឬដើម្បីការពារសិទ្ធិស្របច្បាប់របស់យើង។ យើងនឹងស្វែងរកការយល់ព្រមពីអ្នកនៅពេលចាំបាច់ បើការផ្ទេរបែបនេះគឺមិនមែនសម្រាប់គោលបំណងដែលបានចែងដែលបានកំណត់នៅក្នុងសេចក្តីថ្លែងការណ៍ឯកជនភាពនេះ។

Australia

‘ព័ត៌មានផ្ទាល់ខ្លួន’ គួរតែចែងជា ‘ព័ត៌មានផ្ទាល់ខ្លួន’ ដូចដែលបានកំណត់នៅក្នុងច្បាប់ឯកជនភាពឆ្នាំ 1988 (Cth) (ច្បាប់ឯកជនភាព)។

ព័ត៌មានរសើប។ យើងនឹងប្រមូលតែព័ត៌មានផ្ទាល់ខ្លួនដែលទាក់ទងនឹង ‘សុខភាព ឬលក្ខខណ្ឌវេជ្ជសាស្រ្ត’ របស់អ្នក (ដូចមានចែងក្នុងផ្នែកទី 1 នៃគោលការណ៍នេះ) ដោយមានការយល់ព្រមពីអ្នក។

ការធ្វើទីផ្សារ ការផ្តល់ជូន ការប្រម៉ូសិន ដៃគូផ្សាយពាណិជ្ជកម្ម។ យើងនឹងផ្តល់ឱ្យអ្នកនូវការធ្វើទីផ្សារ និងការផ្តល់ជូន និងប្រម៉ូសិនតែប៉ុណ្ណោះ (ដូចមានចែងក្នុងផ្នែកទី 2 នៃគោលការណ៍នេះ) ដោយមានការយល់ព្រមពីអ្នក។ យើងនឹងផ្តល់តែព័ត៌មានផ្ទាល់ខ្លួនរបស់អ្នកដល់ដៃគូផ្សាយពាណិជ្ជកម្មដែលជួយយើងក្នុងការធ្វើទីផ្សារប៉ុណ្ណោះ (ដូចមានចែងក្នុងផ្នែកទី 2 នៃគោលការណ៍នេះ) ដែលអ្នកបានយល់ព្រមទទួលសម្ភារៈទីផ្សារពីយើង។

ការវិភាគ និងការផ្សាយពាណិជ្ជកម្មតាមគោលដៅ និងរបស់ភាគីទីបី៖ បើអ្នកចង់ដកខ្លួនចេញពីការធ្វើទីផ្សារដោយផ្ទាល់ក្នុងទម្រង់នៃការផ្សាយពាណិជ្ជកម្មដែលមានគោលដៅ (ដូចមានចែងក្នុងផ្នែកទី 6 នៃគោលការណ៍នេះ) អ្នកប្រហែលជាត្រូវផ្លាស់ប្តូរការកំណត់ការផ្សាយពាណិជ្ជកម្មក្នុងគណនីមេឌាសង្គមរបស់អ្នក កម្មវិធីរុករករបស់អ្នក ឬដោយចូលទៅកាន់ជម្រើសអនឡាញរបស់អ្នក៖ https://www.youronlinechoices.com/ie/your-ad-choices។

ការចូលប្រើ និងការកែតម្រូវព័ត៌មានអំពីអ្នក។ អ្នកមានសិទ្ធិចូលប្រើព័ត៌មានផ្ទាល់ខ្លួនដែលយើងកាន់កាប់អំពីអ្នក ហើយអាចស្នើសុំឱ្យយើងកែតម្រូវព័ត៌មានផ្ទាល់ខ្លួននោះបាន។ បើអ្នកជឿថាយើងកំពុងកាន់កាប់ព័ត៌មានអំពីអ្នកដែលមិនត្រឹមត្រូវ មិនពេញលេញ មិនពាក់ព័ន្ធ ឬមានការយល់ច្រឡំ អ្នកអាចស្នើសុំឱ្យយើងកែតម្រូវព័ត៌មាននោះបាន។ បើអ្នកចង់ចូលប្រើព័ត៌មានផ្ទាល់ខ្លួនរបស់អ្នក ឬស្នើសុំឱ្យយើងធ្វើបច្ចុប្បន្នភាព ឬកែតម្រូវព័ត៌មាននោះ អ្នកអាចធ្វើដូច្នេះបានដោយទាក់ទងមកយើងជាលាយលក្ខណ៍អក្សរ និងផ្ទៀងផ្ទាត់អត្តសញ្ញាណរបស់អ្នក។ យើងនឹងព្យាយាមឱ្យអស់ពីសមត្ថភាពដើម្បីឆ្លើយតបទៅនឹងសំណើរបស់អ្នកក្នុងរយៈពេល 30 ថ្ងៃ។ យើងនឹងបដិសេធការចូលប្រើក្នុងកាលៈទេសៈពិសេសប៉ុណ្ណោះ ហើយបើនេះជាករណីមែន យើងនឹងណែនាំអ្នកអំពីហេតុផលរបស់យើងដែលធ្វើដូច្នេះ។

ការការពារសុវត្ថិភាព។ នៅពេលណាដែលព័ត៌មានផ្ទាល់ខ្លួនរបស់អ្នកត្រូវបានផ្ទេរនៅខាងក្រៅប្រទេសអូស្ត្រាលី យើងនឹង៖

• ធានាថា អ្នកទទួលព័ត៌មានផ្ទាល់ខ្លួនរបស់ភាគីទីបីមានទីតាំងនៅក្នុងទឹកដីដែលមានច្បាប់ ឬវិធានចងជាកាតព្វកិច្ចដែលការពារព័ត៌មានផ្ទាល់ខ្លួនតាមរបៀបដែលជាទូទៅ យ៉ាងហោចណាស់មានលក្ខណៈស្រដៀងខ្លាំងនឹងវិធីដែលគោលការណ៍នៃគោលការណ៍ឯកជនភាពរបស់ប្រទេសអូស្ត្រាលីនៅឧបសម្ព័ន្ធទី 1 នៃច្បាប់ឯកជនភាពការពារព័ត៌មានផ្ទាល់ខ្លួនបែបនេះ ហើយមានយន្តការដែលអាចរកបានសម្រាប់អ្នកដើម្បីអនុវត្តច្បាប់ ឬវិធានចងជាកាតព្វកិច្ច និង/ឬ
• ចាត់វិធានការសមស្រប ដើម្បីធានាថាអ្នកទទួលនៅក្រៅប្រទេសមិនបំពានគោលការណ៍នៃគោលការណ៍ឯកជនភាពរបស់ប្រទេសអូស្ត្រាលី។

បណ្តឹងឯកជនភាព។ បើអ្នកមានពាក្យបណ្តឹងអំពីការអនុលោមតាមគោលការណ៍ឯកជនភាពរបស់ប្រទេសអូស្ត្រាលី ឬទាក់ទងនឹងរបៀបដែលយើងដោះស្រាយសំណើសុំចូលប្រើ ឬកែតម្រូវព័ត៌មានផ្ទាល់ខ្លួនរបស់អ្នក អ្នកអាចទាក់ទងមកយើងដោយប្រើប្រាស់ព័ត៌មានលម្អិតនៅក្នុងផ្នែកទី 11 “ទាក់ទងមកយើង” នៅខាងលើ។ យើងនឹងប្រើកិច្ចខិតខំប្រឹងប្រែងធ្វើយ៉ាងណាដើម្បីឆ្លើយតបទៅនឹងបណ្តឹងរបស់អ្នកក្នុងរយៈពេលសមស្រប (ជាធម្មតាក្នុងរយៈពេល 30 ថ្ងៃ)។ បើយើងមិនអាចដោះស្រាយកង្វល់ឯកជនភាពរបស់អ្នកបានយ៉ាងគាប់ចិត្តនោះទេ អ្នកអាចទាក់ទងការិយាល័យស្នងការព័ត៌មានអូស្ត្រាលីនៅលើវេបសាយរបស់ពួកគេ www.oaic.gov.au។

Mainland China

សម្រាប់អ្នករស់នៅចិនដីគោក លក្ខខណ្ឌបន្ថែមខាងក្រោមអនុវត្តចំពោះអ្នក។

អ្នកដំណើរការព័ត៌មានផ្ទាល់ខ្លួន៖  អ្នកដំណើរការព័ត៌មានផ្ទាល់ខ្លួននៃព័ត៌មានផ្ទាល់ខ្លួនរបស់អ្នកគឺ៖  ក្រុមហ៊ុន Wu Di (Shanghai) Industrial Co., Ltd. (Wu Di (Shanghai) Industrial Co., Ltd.)

ការប្រមូល និងការប្រើប្រាស់ព័ត៌មានផ្ទាល់ខ្លួន

យើងនឹងអនុលោមតាមគោលការណ៍នៃភាពពេញច្បាប់ ភាពស្របច្បាប់ ភាពចាំបាច់ និងជំនឿល្អ ប្រមូលព័ត៌មានដែលបង្កើតឡើងដោយការប្រើប្រាស់សេវាកម្មរបស់យើងដោយអ្នក ឬការចូលមើលវេបសាយរបស់យើងដោយអ្នក ព័ត៌មានដែលផ្តល់ដោយអ្នកតាមគំនិតផ្តួចផ្តើមរបស់អ្នកផ្ទាល់ និងព័ត៌មានផ្ទាល់ខ្លួនដែល ប្រមូលបានដោយស្របច្បាប់ពីភាគីទីបីដោយអនុលោមតាមបទប្បញ្ញត្តិនៃច្បាប់ការពារព័ត៌មានផ្ទាល់ខ្លួនរបស់សាធារណរដ្ឋប្រជាមានិតចិន (PRC) និងច្បាប់ជាធរមានផ្សេងទៀត និងបទប្បញ្ញត្តិរដ្ឋបាល ឬការយល់ព្រមរបស់អ្នក។

យើងអាចនឹងប្រមូល និងប្រើប្រាស់ព័ត៌មានផ្ទាល់ខ្លួនរសើបបានតែក្នុងកម្រិតចាំបាច់ក្នុងគោលបំណងដែលបានពិពណ៌នានៅក្នុងសេចក្តីថ្លែងការណ៍ឯកជនភាពប៉ុណ្ណោះ។ យើងនឹងទទួលបានការយល់ព្រមដាច់ដោយឡែកពីអ្នកសម្រាប់ការដំណើរការព័ត៌មានផ្ទាល់ខ្លួនរសើបរបស់អ្នក និងទទួលយកវិធានការការងារសន្តិសុខយ៉ាងតឹងរ៉ឹង នៅពេលដំណើរការព័ត៌មានផ្ទាល់ខ្លួនរសើបរបស់អ្នក។

លុះត្រាតែមានកំណត់ចែងដោយច្បាប់ និងបទប្បញ្ញត្តិរដ្ឋបាល យើងនឹងរក្សាទុកព័ត៌មានផ្ទាល់ខ្លួនរបស់អ្នកតែក្នុងរយៈពេលខ្លីបំផុតដែលចាំបាច់ ដើម្បីសម្រេចបាននូវគោលបំណងនៃការដំណើរការប៉ុណ្ណោះ។

មូលដ្ឋានផ្លូវច្បាប់សម្រាប់ដំណើរការ

យើងពឹងផ្អែកលើមូលដ្ឋានច្បាប់ខាងក្រោមយ៉ាងហោចណាស់មួយ ដើម្បីដំណើរការព័ត៌មានផ្ទាល់ខ្លួនរបស់អ្នក៖

• អ្នកបានយល់ព្រមចំពោះការដំណើរការព័ត៌មានផ្ទាល់ខ្លួនរបស់អ្នកដោយយើង
• ការដំណើរការគឺចាំបាច់ដើម្បីអនុវត្តកិច្ចសន្យាជាមួយអ្នក
• ការដំណើរការគឺចាំបាច់ដើម្បីបំពេញកាតព្វកិច្ចផ្លូវច្បាប់របស់យើង
• ការដំណើរការគឺចាំបាច់ដើម្បីដោះស្រាយភាពអាសន្នផ្នែកសុខភាពសាធារណៈ ឬដើម្បីការពារអាយុជីវិត សុខភាព និងសុវត្ថិភាពនៃទ្រព្យសម្បត្តិរបស់បុគ្គលធម្មជាតិក្នុងស្ថានភាពបន្ទាន់
• អនុលោមតាមបទប្បញ្ញត្តិផ្លូវច្បាប់ ព័ត៌មានផ្ទាល់ខ្លួនរបស់អ្នកដែលអ្នកបានបញ្ចេញ ឬដែលត្រូវបានផ្សព្វផ្សាយជាសាធារណៈដោយស្របច្បាប់នឹងត្រូវបានដំណើរការក្នុងវិសាលភាពសមស្រប ឬ

កាលៈទេសៈផ្សេងទៀតដែលមានចែងដោយច្បាប់ និងបទប្បញ្ញត្តិរដ្ឋបាល។

ការចែករំលែកព័ត៌មាន ការបញ្ចេញព័ត៌មានជាសាធារណៈ និងការផ្ទេរព័ត៌មានឆ្លងដែន

សម្រាប់គោលបំណងដែលមានចែងក្នុងសេចក្ដីថ្លែងការណ៍ឯកជនភាពនេះ យើងអាចនឹងចែករំលែកព័ត៌មានផ្ទាល់ខ្លួនរបស់អ្នកជាមួយសាខាខាងក្រោម និងភាគីទីបីដែលមានគោលបំណង និងមធ្យោបាយនៃការដំណើរការព័ត៌មានផ្ទាល់ខ្លួនរបស់អ្នក៖

 

អ្នកទទួល (ឈ្មោះពេញស្របច្បាប់)	ព័ត៌មានទំនាក់ទំនង	ប្រភេទនៃព័ត៌មានផ្ទាល់ខ្លួនដែលកំពុងត្រូវបានចែករំលែក	គោលបំណង និងមធ្យោបាយនៃការដំណើរការរបស់អ្នកទទួល
上海光潾网络科技有限公司	阎阳:134-7877-2472	ឈ្មោះ អាសយដ្ឋាន លេខទូរសព្ទ	អ្នកលក់ប្រព័ន្ធ SCRM របស់យើងអាចចូលទៅកាន់អ្នកទំនាក់ទំនងផ្នែកលក់របស់យើងដែលប្រមូលបានពីយុទ្ធនាការទីផ្សារផ្សេងៗ
上海纳魄信息服务有限公司	Siwen Luo៖ 180-5927-8773	ឈ្មោះ អាសយដ្ឋាន លេខទូរសព្ទ	អ្នកលក់ Baidu SEO/SEM របស់យើងមានសិទ្ធិចូលទៅទំនាក់ទំនងផ្នែកលក់របស់យើងនៅក្នុងវេបសាយរបស់យើង
上海月盈广告有限公司	Sixuan Lv៖ 137-6442-7420	ឈ្មោះ អាសយដ្ឋាន លេខទូរសព្ទ	អ្នកលក់ WeChat របស់យើងមានសិទ្ធិចូលប្រើព័ត៌មានទំនាក់ទំនងរបស់អ្នកប្រើប្រាស់មួយចំនួន ដើម្បីដោះស្រាយបណ្តឹងរបស់អ្នកប្រើប្រាស់ និងការដឹកជញ្ជូនអំណោយ
上海八和广告有限公司	Chengzhen Li៖ 021-52950556	ឈ្មោះ អាសយដ្ឋាន លេខទូរសព្ទ	អ្នកលក់វេបសាយរបស់យើងមានសិទ្ធិចូលទៅទំនាក់ទំនងផ្នែកលក់របស់យើងនៅក្នុងវេបសាយរបស់យើង
上海注解有加文化传播有限公司	Dongli Lu៖ 131-2750-9389	ឈ្មោះ អាសយដ្ឋាន លេខទូរសព្ទ	ទីភ្នាក់ងារប្រព័ន្ធផ្សព្វផ្សាយរបស់យើងមានសិទ្ធិចូលប្រើព័ត៌មានទំនាក់ទំនងរបស់អ្នកប្រើប្រាស់សំខាន់ៗ និងអ្នកដឹកនាំមតិយោបល់សំខាន់ៗរបស់យើងសម្រាប់យកសំណាក
长沙春朝冬遇文化传媒有限公司	Shengjie yang៖ 131-4682-6763	ឈ្មោះ អាសយដ្ឋាន លេខទូរសព្ទ	ទីភ្នាក់ងារផ្សាយពាណិជ្ជកម្មរបស់យើងមានសិទ្ធិចូលទៅកាន់បញ្ជីទំនាក់ទំនងផ្នែកលក់ដែលមានការអនុញ្ញាតសម្រាប់ទីផ្សារគោលដៅ
ធនាគារសំណង់ចិន	Alston Zhong 15821887028	ឈ្មោះ លេខសម្គាល់ គណនីធនាគារ	ស្ថាប័នហិរញ្ញវត្ថុរបស់យើងមានសិទ្ធិចូលប្រើទិន្នន័យបុគ្គលិក ដើម្បីបង្កើតគណនីធនាគាររបស់បុគ្គលិក និងដើម្បីដំណើរការទូទាត់សងការចំណាយវិញ។
ធនាគារពាណិជ្ជករចិន	Shi Sheng Qi 021-38834600		ស្ថាប័នហិរញ្ញវត្ថុរបស់យើងមានសិទ្ធិចូលប្រើទិន្នន័យបុគ្គលិក ដើម្បីបង្កើតគណនីធនាគាររបស់បុគ្គលិក និងដើម្បីដំណើរការទូទាត់សងការចំណាយវិញ។
អ្នកចែកចាយ (Happy go)	Ao Chen 185 7066 6244	ឈ្មោះ អាសយដ្ឋាន លេខទូរសព្ទ	សកម្មភាពយុទ្ធនាការ និងការចាប់រង្វាន់ផ្សងសំណាងជាប្រម៉ូសិនតាមតម្រូវការ។
ក្រុមហ៊ុន China International Intellectech Corporation	ទូរសព្ទ៖ 0086-21-54594545-2227 អ្នកនាង Yuan	ឈ្មោះ ទំនាក់ទំនង អាសយដ្ឋាន លេខសម្គាល់ កម្រិតអប់រំ	ការងារ
ក្រុមហ៊ុន Ping An Pension Insurance Co., Ltd. សាខាស៊ាងហៃ (Ping An Pension Insurance Co., Ltd. Shanghai Branch)	ទូរសព្ទ៖ 021-62487262 អ្នកនាង Hu	ឈ្មោះ ទំនាក់ទំនង លេខសម្គាល់ លេខសម្គាល់កុមារ	ការធានារ៉ាប់រងផ្នែកវេជ្ជសាស្ត្រ
ក្រុមហ៊ុន Shanghai Homsom Travel (Group) Co., Ltd.	ទូរសព្ទ៖ 021-64475082 អ្នកនាង He	ឈ្មោះ ទំនាក់ទំនង លេខសម្គាល់	ការកក់ការធ្វើដំណើរ

ជាទូទៅ យើងមិនផ្ទេរព័ត៌មានផ្ទាល់ខ្លួនរបស់អ្នកទៅខាងក្រៅទេ។  បើយើងត្រូវការផ្ទេរព័ត៌មានផ្ទាល់ខ្លួនដោយសារតែការច្របាច់បញ្ចូលគ្នា ការបែងចែក ការរំលាយ ការក្ស័យធនជាដើម។ល។ យើងនឹងជូនដំណឹងដល់អ្នកអំពីឈ្មោះ និងព័ត៌មានទំនាក់ទំនងរបស់អ្នកទទួល ហើយទន្ទឹមគ្នានេះផងដែរ យើងនឹងតម្រូវឱ្យអ្នកទទួលបន្តភ្ជាប់កាតព្វកិច្ចក្រោមសេចក្តីថ្លែងការណ៍ឯកជនភាពនេះ និងទទួលយកកាតព្វកិច្ច និងតួនាទីពាក់ព័ន្ធ។  បើអ្នកទទួលផ្លាស់ប្តូរគោលបំណង និងវិធីសាស្រ្តនៃការដំណើរការដើម អ្នកទទួលត្រូវតែទទួលបានការយល់ព្រមពីអ្នកម្តងទៀតស្របតាមច្បាប់ និងបទប្បញ្ញត្តិ។

យើងនឹងមិនបញ្ចេញព័ត៌មានផ្ទាល់ខ្លួនរបស់អ្នកជាសាធារណៈឡើយ លើកលែងតែមានការយល់ព្រមស្របច្បាប់ពីអ្នក។

ការការពារព័ត៌មានផ្ទាល់ខ្លួនរបស់កុមារ

ជាទូទៅ យើងនឹងមិនដំណើរការព័ត៌មានផ្ទាល់ខ្លួនរបស់អនីតិជនដែលមានអាយុក្រោម 14 ឆ្នាំទេ (ពោលគឺកុមារ)។  បើយើងដឹងថា យើងបានប្រមូលព័ត៌មានផ្ទាល់ខ្លួនរបស់កុមារដោយគ្មានការយល់ព្រមជាមុនពីមាតាបិតា ឬអ្នកអាណាព្យាបាលផ្សេងទៀតរបស់ពួកគេ នោះយើងនឹងលុបព័ត៌មានផ្ទាល់ខ្លួនរបស់កុមារចេញពីសំណុំឯកសាររបស់យើង។

សិទ្ធិរបស់អ្នក​

អ្នកមានសិទ្ធិស្របច្បាប់ជាក់លាក់ទាក់ទងនឹងព័ត៌មានផ្ទាល់ខ្លួនដែលអ្នកបានផ្តល់ដល់ក្រុមហ៊ុន ដែលរួមមានដូចខាងក្រោម៖

• សិទ្ធិដឹង និងសិទ្ធិសម្រេចចិត្តលើការដំណើរការព័ត៌មានផ្ទាល់ខ្លួនរបស់អ្នក
• សិទ្ធិដាក់កំហិត ឬបដិសេធការដំណើរការព័ត៌មានផ្ទាល់ខ្លួនរបស់អ្នកដោយយើង
• សិទ្ធិឆែកមើល និងចម្លងព័ត៌មានផ្ទាល់ខ្លួនរបស់អ្នក
• សិទ្ធិស្នើសុំឱ្យយើងកែតម្រូវ ឬបន្ថែមព័ត៌មានផ្ទាល់ខ្លួនរបស់អ្នក ដែលអ្នករកឃើញថាព័ត៌មានមិនត្រឹមត្រូវ ឬមិនពេញលេញ
• សិទ្ធិដកពាក្យយល់ព្រមរបស់អ្នកចំពោះការដំណើរការព័ត៌មានផ្ទាល់ខ្លួនដោយផ្អែកលើការយល់ព្រមពីអ្នក (ប៉ុន្តែសូមចំណាំថាការដកពាក្យយល់ព្រមរបស់អ្នកមិនប៉ះពាល់ដល់សុពលភាពនៃការដំណើរការព័ត៌មានផ្ទាល់ខ្លួនដែលត្រូវបានអនុវត្តដោយផ្អែកលើការយល់ព្រមរបស់អ្នកមុនពេលដកពាក្យនោះទេ)
• សិទ្ធិស្នើសុំផ្ទេរព័ត៌មានផ្ទាល់ខ្លួនទៅភាគីទីបីដែលអ្នកបានជ្រើសតាំង និង
• សិទ្ធិលុបព័ត៌មានផ្ទាល់ខ្លួនរបស់អ្នកក្នុងកាលៈទេសៈជាក់លាក់។

បើអ្នកចង់អនុវត្តសិទ្ធិរបស់អ្នកខាងលើ សូមផ្ញើអ៊ីមែលមកយើងតាមរយៈ privacy@wd40.com។ សូមចំណាំថា សិទ្ធិខាងលើគឺជាកម្មវត្ថុនៃដែនកំណត់ និងការលើកលែងក្រោមច្បាប់ប្រទេសចិនដែលចូលជាធរមាន។ យើងនឹងឆ្លើយតប និងអនុវត្តតាមសំណើរបស់អ្នកស្របតាមច្បាប់ប្រទេសចិនដែលចូលជាធរមានឱ្យបានឆាប់តាមដែលអាចធ្វើបាន។ ដើម្បីការពារសន្តិសុខនៃព័ត៌មានផ្ទាល់ខ្លួនរបស់អ្នក មុននឹងឆ្លើយតបទៅនឹងសំណើសុំសិទ្ធិព័ត៌មានផ្ទាល់ខ្លួន អ្នកប្រហែលជាត្រូវផ្តល់សំណើជាលាយលក្ខណ៍អក្សរ ឬបញ្ជាក់អត្តសញ្ញាណរបស់អ្នក ហើយយើងមានសិទ្ធិផ្ទៀងផ្ទាត់អត្តសញ្ញាណរបស់អ្នក មុនពេលដំណើរការសំណើរបស់អ្នក។ បើអ្នកមានក្តីកង្វល់នៅតែមិនអាចដោះស្រាយបាន អ្នកក៏មានសិទ្ធិប្តឹងទៅអាជ្ញាធរត្រួតពិនិត្យដែលពាក់ព័ន្ធ ឬបើអាច ដាក់ពាក្យប្តឹងទៅតុលាការដោយអនុលោមតាមច្បាប់ប្រទេសចិនដែលចូលជាធរមាន។